អគ្គនាយកស៊ីម៉ាក់ ៖ សំណល់មិនទាន់ផ្ទុះក្នុងដី និងក្នុងទឹក ជាបញ្ហាប្រឈមសម្រាប់កម្ពុជាមួយទៀត
- Details
- Category: News
រាជធានីភ្នំពេញ ៖ អគ្គនាយកមជ្ឈមណ្ឌលកំចាត់មីនកម្ពុជាហៅកាត់ថា«ស៊ីម៉ាក់»បានបញ្ជាក់ថា សំណល់មិនទាន់ផ្ទុះនៅក្នុងដី និងក្នុងទឹក ជាបញ្ហាប្រឈមមួយទៀតសម្រាប់កម្ពុជា ។
លោក ហេង រតនា អគ្គនាយកស៊ីម៉ាក់បានសរសេរលើបណ្តាញសង្គម នៅថ្ងៃទី២២ កញ្ញា ឆ្នាំ២០២១ថា សំណល់យុទ្ធភណ្ឌមិនទាន់ផ្ទុះពីសង្គ្រាមកប់ដីស្ថិតនៅលើគោក ជាបញ្ហាប្រឈមមុខមួយហើយ តែគ្រាប់មិនទាន់ផ្ទុះកប់ដីហើយ ស្ថិតនៅក្រោមទឹក ជាបញ្ហាប្រឈមយូរអង្វែងមួយទៀត នៃទឹកដីព្រះរាជាណាចក្រនេះ! ។
លោកថា សង្គ្រាមបង្ហូរឈាមត្រូវបានបញ្ចប់ ហើយសង្គ្រាមពិតប្រាកដរបស់រាជរដ្ឋាភិបាលនាពេលនេះ គឺសង្គ្រាមប្រឆាំងកូវីដ និងសង្គ្រាមប្រឆាំងភាពក្រីក្ររបស់ប្រជាជន !
គោលដៅចំបង គឺពង្រឹងសុខសុវត្ថិភាពសង្គម និងភាពរីកចំរើនរុងរឿងនៃកម្ពុជា! ៕
ដកស្រង់ពី៖ កោះសន្តិភាព