Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

ព្រឹទ្ធសមាជិកជាស្ត្រី​មកពីបក្ស​ប្រជាធិបតេយ្យ ត្រៀមខ្លួនប្រកួត​ដណ្តើម​តំណែង​​ប្រធានាធិបតី​ជាមួយ​លោក ត្រាំ នៅឆ្នាំ២០២០!

  • Print

(ញូយ៉ក)៖ ព្រឹទ្ធសមាជិកអាមេរិកមួយរូបគឺលោកស្រី ឃើស្ទែន ហ្គីលីប្រ៊ែន (Kirsten Gillibrand) ដែលជាអ្នករិះគន់ដ៏លេចធ្លោម្នាក់ប្រឆាំងលោក ដូណាល់ ត្រាំ បានចាប់ផ្តើមប្រកាសថា លោកស្រីនឹងចូលរួមធ្វើការប្រកួតប្រជែង ក្នុងការបោះឆ្នោតជ្រើសរើសបេក្ខជន ប្រធានាធិបតីអាមេរិកនៅក្នុងបក្ស ដើម្បីទៅប្រកួតប្រជែង ជាមួយលោក ដូណាល់ ត្រាំ នៅឆ្នាំ២០២០។

នេះបើតាមការដកស្រង់ការផ្សាយចេញពីទីភ្នាក់ងារព័ត៌មានចិន ស៊ីនហួរ នៅរសៀលថ្ងៃពុធ ទី១៦ ខែមករា ឆ្នាំ២០១៩។ ក្នុងឃ្លីបវីដេអូមួយនៃកម្មវិធីកិច្ចសម្ភាស «The Late Show with Stephen Colbert» របស់ប៉ុស្តិ៍ទូរទស្សន៍អាមេរិក CBS លោកស្រី Gillibrand វ័យ ៥២ឆ្នាំ បានឲ្យដឹងថា លោកស្រីកំពុងរៀបចំ គណៈកម្មាធិការមួយ ដែលអនុញ្ញាតឲ្យលោកស្រីចាប់ផ្តើមរៃអង្គាសមូលនិធិ ដើម្បីប្រកួតក្នុងការជ្រើសរើស បេក្ខភាពនៃបក្សប្រជាធិបតេយ្យ សម្រាប់ឈរឈ្មោះក្នុងការបោះឆ្នោតប្រធានា ធិបតីឆ្នាំ២០២០។

គួរជម្រាបថា លោកស្រី Gillibrand ធ្លាប់បានបោះឆ្នោតប្រឆាំង ចំពោះការតែងតាំងមន្រ្តី សំខាន់ៗជាច្រើនរូបរបស់ប្រធានាធិបតីអាមេរិក លោក ដូណាល់ ត្រាំ។

លោកស្រីក៏ជាអ្នកគាំទ្រ និងការពារសិទ្ធិនារីយ៉ាង ស្វាហាប់មួយរូបផងដែរ ដោយក្នុងនោះរួមមាន ទាំងចលនា #MeToo ដែលការប្រឆាំងអំពើបៀតបៀន និងហិង្សាផ្លូវភេទ។

មកទល់ពេលនេះ លោកស្រី Gillibrand គឺជាស្រ្តីទី ៣ ហើយ ដែលបានប្រកាសចូលរួមប្រកួតប្រជែងយកតំណែងប្រធានាធិបតី នៅក្នុងគណបក្សប្រជាធិបតេយ្យ បន្ទាប់ពីលោកស្រី អេលីហ្សាបេត វ៉ារែន (Elizabeth Warren) វ័យ ៦៩ឆ្នាំ ដែលជាព្រឹទ្ធសមាជិកមកពីរដ្ឋ ម៉ាស្សាជូសេតត៍ (Massachusett និងលោកស្រី ទុលស៊ី ហ្គេបបាដ (Tulsi Gabbard) វ័យ ៣៧ឆ្នាំ ជាតំណាងរាស្រ្តមកពីរដ្ឋហាវ៉ៃ បានប្រកាសចូលរួមដូចគ្នា៕

ដកស្រង់ពី៖ Fresh news