Realme X នឹងបង្ហាញវត្តមានជាផ្លូវការនៅថ្ងៃទី 15 ឧសភាខាងមុខនេះ!
- Details
- Category: Other News
កាលពីសប្តាហ៍មុននេះ ក្រុមហ៊ុន Realme បានធ្វើការប្រកាសចេញជាផ្លូវការ នូវស្មាតហ្វូនជំនាន់ថ្មី ម៉ូឌែល Realme 3 Pro ជាមួយការកែប្រែ និងអាប់ដេត ទៅលើផ្នែកលក្ខណៈសម្បត្តិមួយចំនួន
អោយមានភាពប្រសើរជាង Realme 3 (ដែលត្រូវជា បងបង្កើតរបស់វា) ប៉ុន្តែចំពោះរចនាបថរូបរាងវិញ គឺមិនមានអ្វីខុសគ្នាឡើយ។ ក្នុងនោះដែរ យើងបានលឺដំណឹងមួយ បង្ហើបអោយដឹងថា Realme ត្រៀមនឹងនាំយកស្មាតហ្វូន មួយស៊េរីទៀត ឈ្មោះថា Realme X ចូលមកបង្ហាញវត្តមាន ក្នុងពេលឆាប់ៗខាងមុខ។
ប្រហែលមិនចាំយូរឡើយ ព្រោះថានៅពេលថ្មីៗនេះ ខាងក្រុមហ៊ុនបានបញ្ចេញ Poster ប្រកាសអោយដឹងពីថ្ងៃដាក់បង្ហាញ ស្មាតហ្វូនស៊េរីថ្មីម៉ូឌែល Realme X ជាផ្លូវការ ដើម្បីអោយ អ្នកគាំទ្រទាំងអស់ បានដឹងកាន់តែច្បាស់។ នៅក្នុងរូបភាពផូរស្ទ័រនេះ បានបង្ហាញពីទិដ្ឋភាពទីក្រុង នៃការ រស់នៅរបស់ប្រជាជន នៅក្នុង យុគ្គសម័យថ្មី ឬសម័យទំនើប ដោយបង្ហាញថ្ងៃប្រកាសចេញ Realme X លើកន្លែងចំនួន 2 ដោយទី 1 គឺនៅលើផ្ទាំងផ្សាយ ពាណិជ្ជកម្មពណ៌លឿង និងមួយទៀត នៅលើកន្លែងដើរថ្មើរជើង ពេលឆ្លងថ្នល់។ តាមការបញ្ជាក់បាន អោយដឹងថា Realme នឹងធ្វើការ បញ្ចេញស្មាតហ្វូន Reame X ជំនាន់ថ្មី ជាផ្លូវការ នៅថ្ងៃទី 15 ខែឧសភា ឆាប់ៗខាងមុខនេះ។
ជាចុងក្រោយនោះ គឺមានប្រភពមួយ បានបង្ហើបអោយដឹង នៅក្នុងថ្ងៃប្រកាសចេញស្មា Realme X ខាងក្រុមហ៊ុន អាចនឹងនាំយកស្មាតហ្វូន ជាខ្សែស្រឡាយ មួយស៊េរីទៀត មកបង្ហាញដែរ ដោយវាអាចមានឈ្មោះហៅថា Realme X Youth Edition ឬ Realme X Lite។ យ៉ាងណា ចំពោះផ្នែកលក្ខណៈសម្បត្តិរបស់ស្មាតហ្វូនទាំងនេះ យើងនៅមិនទាន់ បានដឹងនៅឡើយទេ តែយើងនឹងបង្ហាញ ដល់អ្នកទាំងអស់គ្នា ពេលវា ប្រកាសចេញ ជាផ្លូវការ។
ដកស្រង់ចេញពីhttp://www.cambo-report.com/article/15997