នេះជាវីដេអូគម្រូ 3D Render ថ្មី បង្ហាញរូបរាងដ៏ទាក់ទាញរបស់ Galaxy Z Flip

ព័ត៌មាន

Radio Live

Social Network

នេះជាវីដេអូគម្រូ 3D Render ថ្មី បង្ហាញរូបរាងដ៏ទាក់ទាញរបស់ Galaxy Z Flip

Details: Category: Other News

មួយរយៈក្រោយមកនេះ ហាក់បីដូចជាប្រទះឃើញមានព័ត៌មាន បានចុះផ្សាយច្រើន ដែលនិយាយទាក់ទងនឹងវត្តមាន នៃស្មាតហ្វូនអេក្រង់បត់ ជំនាន់ក្រោយ របស់ Samsung។ ហើយម្សិលមិញនេះដែរ ក្រុមការងារ ខេមបូរីផត ក៏បានធ្វើការរាយការណ៍ឲ្យដឹងថា Samsung

នឹងហៅស្មាតហ្វូនអេក្រង់បត់ ម៉ូឌែលថ្មីរបស់ខ្លួនថា Galaxy Z Flip ដែលស្តាប់ទៅ មិនសូវទំនងសោះ។

យ៉ាងណា មកដល់ថ្ងៃនេះ វេបសាយ LetsGoDigital ក៏បានចែករំលែក ការឌីហ្សាញរូបរាងតួខ្លួនទាំងមូល របស់ស្មាតហ្វូនអេក្រង់បត់នេះ ជាលក្ខណៈ Render តាមរយៈឃ្លីបវីដេអូខ្លីមួយ។ ជាក់ស្តែង រូបភាពវីដេអូបញ្ចាំងចេញមកជាលក្ខណៈពុម្ភគម្រូ 3D របស់វា ទាំងអស់នេះ គឺត្រូវបានផ្អែកទៅតាម រូបភាពបែកធ្លាយ ចាប់កាន់នឹងដៃ កាលពីពេលកន្លង។ ប្រាកដណាស់ បើមើលតាមការបង្ហាញ តាមរយៈវីដេអូមួយនេះ បញ្ជាក់ឲ្យដឹងថា Galaxy Z Flip ពិតជាមានលក្ខណៈបត់ស្រដៀងគ្នា ដូចទៅនឹងស្មាតហ្វូនអេក្រង់បត់ Motorola Razr ដែលបានប្រកាសចេញជាផ្លូវការ កាលពីខែវិច្ឆិកា ឆ្នាំ 2019 កន្លងទៅពិតមែន។ លើសពីនេះ មើលពីចំហៀង ឃើញថាប៊ូតុងចាក់សោរ និងប៊ូតុងគ្រប់គ្រងសម្លេង សុទ្ធតែស្ថិតនៅផ្នែកខាងស្តាំនៃទូរសព្ទ ហើយមានភ្ជាប់មកជាមួយ កាមេរ៉ាក្រោយ 2 គ្រាប់ អមនឹងភ្លើង Flash LED មួយគ្រាប់ផងដែរ។

ងាកមកមើលផ្នែកខាងមុខវិញ ឃើញមានរំលេចដោយកាមេរ៉ា Selfie មួយគ្រាប់តូច នៅចំកណ្តាលថ្ងាស ខាងលើនៃទូរសព្ទ ដែលវាទំនងជាលេន ទម្លុះអេក្រង់ អាចនឹងមានទំហំ 10MP។ ម៉្យាងវិញទៀត Galaxy Z Flip ក៏ត្រូវបានគេរំពឹងទុកថា នឹងបំពាក់មកជាមួយ អេក្រង់ទំហំ 6.7 អ៊ីញ ព្រមទាំងស្រោបដោយកញ្ចក់ការពារ កម្រាស់ស្តើង (Ultra-Thin Glass) ដែលអាចធ្វើការបត់បែនបាន។ របាយការណ៍លេចធ្លាយ ដែលបានចេញផ្សាយ កាលពីពេលមុនៗមក ក៏បានបញ្ជាក់ឲ្យដឹងថា ស្មាតហ្វូនអេក្រង់បត់ជំនាន់ថ្មីនេះ នឹងបំពាក់មកជាមួយបន្ទះឈីប Snapdragon 855 ទៀតផង។ ដូច្នេះ អាចនឹងមិនយូរទៀតទេ វត្តមានរបស់ Galaxy Z Flip នឹងបង្ហាញខ្លួនជាផ្លូវការ នៅក្នុងព្រឹត្តិការណ៍ Unpacked ឆ្នាំ 2020 ដែលធ្វើឡើងនៅក្នុងថ្ងៃទី 11 ខែកុម្ភៈ ឆ្នាំ 2020 ខាងមុខនេះ។

ដកស្រង់ចេញពីcambo-report

***សូមចុចទីនេះ ដើម្បី Subscribe YouTube Channel របស់ TV TbaungKhmum - ទូរទស្សន៍ជាតិខេត្តត្បូងឃ្មុំ ដើម្បីទទួលបាន វីដេអូថ្មីៗ!!!
https://www.youtube.com/ch…/UC-WnprmMQIt-YAc3fyAD6Mg/videos…
FacebookPage
https://www.facebook.com/tvtbaungkhmum/
https://www.facebook.com/pditbk/
http://pditbaungkhmum.org/
https://www.facebook.com/AKPTBK

ដកស្រង់ចេញពីcambo-report

ព័ត៌មាន

Radio Live

Social Network

នេះ​ជា​វីដេអូ​គម្រូ 3D Render ថ្មី បង្ហាញ​រូប​រាង​ដ៏​ទាក់​ទាញ​របស់ Galaxy Z Flip

នេះជាវីដេអូគម្រូ 3D Render ថ្មី បង្ហាញរូបរាងដ៏ទាក់ទាញរបស់ Galaxy Z Flip