ត្រៀមសប្បាយជាមួយ ឈួន សុវណ្ណឆៃ នូវចម្រៀង៥បទ ក្នុងឱកាសបុណ្យចូលឆ្នាំខ្មែរ
- Details
- Category: Other News
តារាចម្រៀងជើងចាស់ អ្នកនាង ឈួន សុវណ្ណឆៃ នៅតែមានភាពលេចធ្លោក្នុងអាជីពសិល្បៈ និងរូបសម្រស់បានតាមរយៈជីវិតឡូយឆាយរបស់នាង។
ឈួន សុវណ្ណឆៃ បានត្រៀមបទចម្រៀងផ្ទាល់ខ្លួនចំនួន៥បទ ដើម្បីអបអរសាទរនៅក្នុងឱកាសបុណ្យចូលឆ្នាំខ្មែរ ប្រពៃណីជាតិ។ តារាចម្រៀងរូបស្រស់សោភា និងសំឡេងក្រអួនក្រអៅរូបនេះ ឲ្យដឹងថា អ្នកនាង និងក្រុមការងារបច្ចេកទេសថត កំពុងមមា ញឹកនឹងការថត M V ចំនួន៥បទដែលជាស្នាដៃនិពន្ធ សម្ដែង និងច្រៀងដោយខ្លួនឯងផ្ទាល់។
ចម្រៀងទាំង៥បទ គឺមានបីបទជាចង្វាក់រាំវង់ប្រពៃណីខ្មែរ និងពីរបទទៀត គឺជាចង្វាក់រាំឆឺត ហើយគ្រោងនឹងថតបញ្ចប់ក្នុងពេលឆាប់ៗនេះ។ សុវណ្ណឆៃ បានបង្ហើបនូវចំណងជើងចម្រៀងពីរបទក្នុងចំណោមចម្រៀងទាំង៥បទនោះដែរ គឺបទ"កន្ទ្រឹមបុរាណ" និងបទ"កូនម៉ែ"។ អ្នកនាង ឈួន សុវណ្ណឆៃ សង្ឃឹមថាបទចម្រៀងទាំង៥បទ នឹងទទួលបានការគាំទ្រច្រើន ជាពិសេសបទ"កន្ទ្រឹមបុរាណ និងបទ"កូនម៉ែ" ព្រោះវាមានទំនុកច្រៀង និងភ្លេងថ្មី ហើយអ្នកនាង និងក្រុមការងារបានយកចិត្តទុកដាក់ខ្លាំងលើបទទាំងនេះ។
តារាចម្រៀងវ័យជ្រេ តែរូបសម្រស់ និងទឹកដមសំឡេងនៅបាន អ្នកនាង ឈួន សុវណ្ណឆៃ បានប្រឡូកក្នុងវិស័យសិល្បៈតាំងពីឆ្នាំ១៩៩៩។ ត្បិតថាអ្នកនាងបាត់មុខមួយរយៈពីលើវិថីសិល្បៈជាង២០ឆ្នាំរបស់អ្នកនាង ដោយគេយល់ថា អ្នកនាងបានសម្ងំជាមួយកូនប្រុស-ស្រី៣នាក់ បន្ទាប់ពីមានរឿងរ៉ាវលែងលះជាមួយស្វាមី គឺលោក ប្រាក់ គន្ធី នៅឆ្នាំ២០១៤។
ប៉ុន្តែឈួន សុវណ្ណឆៃ នៅមានចិត្ដស្រឡាញ់សិល្បៈ ហើយបច្ចុប្បន្ននាងលេចមុខជាថ្មីជាមួយនឹងភាពឡូយឆាយ និងបទចម្រៀងជាច្រើនបទ៕
ដកស្រង់ពី៖ Sabay