ប្រទះឃើញលិខិតបញ្ជាក់នៃថ្ម iPhone 12 ឃើញទំហំអាចខកចិត្ត

Details

Category: Other News

វិបសាយ MySmartPrice បានប្រទះឃើញលិខិតបញ្ជាក់សម្រាប់ថ្ម Apple ថ្មីចំនួនបី ដែលគេជឿជាក់ថាសម្រាប់ត្រកូល iPhone 12 ស៊េរីថ្មី ដែលទំហំថ្មគឺតូចជាងត្រកូល iPhone 11។គេរំពឹងថា Apple នឹងប្រកាសចេញស្មាតហ្វូនថ្មីចំនួនបួនម៉ូដែល ក្នុងអំឡុងចុងឆ្នាំនេះ រួមមានប្រភេទអេក្រង់ទំហំ ៥,៤អ៊ីញចំនួនមួយ ប្រភេទអេក្រង់ទំហំ ៦,១អ៊ីញចំនួនពីរ និងប្រភេទអេក្រង់ទំហំ ៦,៧អ៊ីញចំនួនមួយទៀត។

MySmartPrice បានឲ្យដឹងថាថ្មទាំងបីដែលគេប្រទះឃើញនឹងប្រើលើ iPhone 12 ដូចខាងក្រោម ៖ iPhone 12 (៥,៤អ៊ីញ) – A2471 ទំហំ ២២២៧ mAh iPhone 12 Max (៦,១អ៊ីញ) – A2431 ទំហំ ២៧៧៥ mAh iPhone 12 Pro (៦,១អ៊ីញ) – A2431 ទំហំ ២៧៧៥ mAh iPhone 12 Pro Max (៦,៧អ៊ីញ) – A2466 ទំហំ ៣៦៨៧ mAh ប្រៀបធៀបនឹងត្រកូល iPhone 11 Pro ចេញឆ្នាំមុន ថ្មសម្រាប់ iPhone 12 Pro គឺតូចជាងមុន ដែលនៅលើ iPhone 11 Pro មានទំហំ ៣០៤៦ mAh និង iPhone 11 Pro Max មានទំហំ ៣៩៦៩ mAh៕

ដកស្រង់ពី៖sabay