សុគន្ធ នីសា មានគំរោង១ក្រោយរៀបការតែត្រូវបរាជ័យ ដឹងអត់ថា តើជាអ្វីទៅ?
- Details
- Category: Other News
រាជធានីភ្នំពេញ ៖ តារាចម្រៀងស្រគត់ស្រគំអ្នកនាងសុគន្ធ នីសា កន្លងមកជួបរឿងបរាជ័យមួយ ក្រោយពេលនាងរៀបការរួច ។ តើជារឿងអ្វី ?
បន្ទាប់ពីរៀបការរយៈពេលប្រមាណជាង៣ឆ្នាំមកនេះ សុគន្ធ នីសា មិនទាន់មានកូននៅឡើយ ។ នីសា នៅតែសកម្មក្នុងអាជីពសិល្បៈរបស់នាង ។ មិត្តសិល្បៈដែលបានរៀបការមុនក្រោយ និងអំឡុងពេលជាមួយគ្នា មួយចំនួនមានកូនហើយ ដូចជាឱក សុគន្ធ កញ្ញា ជាដើម ។
នៅឡើយតែតារាចម្រៀងសំនៀងផ្អែមស្រទន់សុគន្ធ នីសា មិនទាន់មានកូននៅឡើយ ខណៈវ័យកាន់តែច្រើនបន្តិចហើយ ។ ទោះជាយ៉ាងណាក្ដី នាពេលថ្មីៗកន្លងមក នីសា បានបង្ហើយពីគម្រោងមានកូនរបស់នាង ។ ចាត់ទុកជាលើកដំបូងហើយដែលម្ចាស់បទ «បើស្រឡាញ់ម្តេចទុកអូនចោល» សុគន្ធ នីសា បានបង្ហើបពីការចង់បានកូនចាប់តាំងពីនាងបានរៀបការមក ។ តារាចម្រៀងរូបនេះបាននិយាយថា នាងអាចនឹងយកកូននៅក្នុងអំឡុងឆ្នាំ២០២១ ដែលជិតឈានមកដល់នេះ ។ វាជាបំណងនាង និងស្វាមី ។
នាងបញ្ជាក់ថា កន្លងមកនាង និងស្វាមី បានស្រុះស្រួលគ្នាពីផែនការយកកូនក្នុងពេលណាមួយ។ នាងថា កន្លងមក នាងមានបំណងចេញទៅរស់នៅអាមេរិក និងបង្កើតកូននៅទីនោះតែម្តង ដើម្បីបានសញ្ជាតិ។ យ៉ាងណាក្ដី ក្រោយគម្រោងមួយនេះបរាជ័យនាងក៏បានសម្រេចចិត្តថា នឹងយកកូននៅដំណាច់ឆ្នាំថ្មីនេះ ។
សុគន្ធ នីសា បញ្ជាក់ថា «ការសម្រេចយកកូននៅឆ្នាំថ្មីនេះ ក៏ជាបំណងរបស់ចាស់ទុំទាំងសងខាងផងដែរ ដោយសារពួកគាត់គិតថា អាយុនាងខ្ញុំ និងស្វាមីក៏កាន់តែច្រើនហើយដែរ»។ ចាប់តាំងពីចូលរោងការមក សុគន្ធ នីសា មិនបានបោះបង់អាជីពសិល្បៈរបស់នាងចោលឡើយ ពោលគឺនាងនៅតែបង្ហាញមុខជាបន្តបន្ទាប់នៅលើឆាកតន្ត្រី ដោយសារនាងបានការអនុញ្ញាតពីស្វាមី ។
បើទោះបីជាមមាញឹកនឹងការងារសិល្បៈពិតមែន ប៉ុន្តែសុគន្ធ នីសា ឆ្លៀតពេលសាងភាពកក់ក្តៅសម្រាប់គ្រួសាររបស់នាងផងដែរ ។ ប្រសិនបើគម្រោងយកកូនរបស់សុគន្ធ នីសា បានសម្រេចមែននោះ អ្នកគាំទ្រចាំមើលថា តើនាងនៅបន្តអាជីពសិល្បៈ ឬយ៉ាងណា?
ដកស្រង់ពី៖ កោះសន្ដិភាព