កាលពីពេលថ្មីៗកន្លងទៅនេះ ក្រុមហ៊ុន Ford ទើបតែបានដាក់បង្ហាញនូវភីកអាប់ Ranger ស៊េរីឆ្នាំ២០២៣ ជាផ្លូវការ ដោយវាបានទទួលបានការផ្លាស់ប្តូររូបរាងថ្មីទាំងស្រុង ទាំងផ្នែកខាងក្រៅ និងខាងក្នុង។
ថ្វីបើព័ត៌មានអំពី Ford Ranger Raptor ឆ្នាំ២០២៣ មិនទាន់ត្រូវបានប្រកាសក៏ដោយ ប៉ុន្តែគេរំពឹងថា វានឹងដើរតាមគន្លងចាស់ ដូចស៊េរីមុនៗដែរ ដែលមានន័យថា វានឹងទទួលបានការអាប់ដេតលើរូបរាង ក៏ដូចជាផ្នែកមេកានិចផងដែរ ដើម្បីឲ្យវាកាន់តែមានភាពលេចធ្លោជាងម៉ូដែលស្តង់ដារ។
ជាមួយគ្នានេះដែរ អ្នកជំនាញផ្នែកឌីហ្សាញ X-Tomi Design បានបង្កើតរូបភាពបែប Render បង្ហាញឲ្យឃើញនូវរូបរាង Ford Ranger Raptor ស៊េរីឆ្នាំ២០២៣ ដែលមើលទៅពិតជាមានភាពទាក់ទាញមែនទែន។សូមបញ្ជាក់ផងដែរថា ខាងលើនេះគឺគ្រាន់តែជារូបភាពបែប Render ប៉ុណ្ណោះ មិនមែនជារូបភាពផ្លូវការពីក្រុមហ៊ុន Ford ឡើយ។
យ៉ាងណាមិញ ដំណឹងលម្អិតអំពីម៉ាស៊ីនរបស់វាក៏នៅមិនទាន់ត្រូវបានបញ្ជាក់ឡើយ ប៉ុន្តែគេរំពឹងថា វានឹងប្រើម៉ាស៊ីនចំណុះ ២,៧លីត្រ EcoBoost ពី Bronco ឬ ម៉ាស៊ីនសាំងចំណុះ ៣,០លីត្រ twin-turbo V6 ពី Ford Explorer ST។ ប្រសិនបើ Ford ជ្រើសរើសម៉ាស៊ីនធំ នោះ Ranger Raptor ឆ្នាំ២០២៣ នឹងមានកម្លាំងខ្ទង់ ៤០០សេះ ឯណោះ។
ដកស្រង់ពិ៖sabay