Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ នាំយកបច្ច័យជាង៥២លានរៀន បានមកពីអង្គកឋិនទានសាមគ្គី ប្រគេនវត្តទួលព្រះពន្លា ក្នុងស្រុកពញាក្រែក

  • Print

បុណ្យកឋិនទានសាមគ្គីដែលផ្តួចផ្តើមឡើងដោយ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ និងលោកជំទាវ ម៉េង វ៉ាន់ដានីន ជាមច័ន្ទសោភ័ណ ព្រមទាំងគណៈអភិបាលខេត្ត ក្រុមប្រឹក្សាខេត្ត មន្ត្រីរាជការអាជ្ញាធរដែនដី និងមន្ទីរអង្គភាពជុំវិញខេត្ត ប្រមូលបានបច្ច័យចំនួន ៥២,៩៩៩៩០០រៀល ដើម្បីវេរប្រគេនព្រះសង្ឃដែលគង់ចាំព្រះវស្សា អស់កាលត្រីមាសក្នុងពុទ្ធសីមាវត្តទួលព្រះពន្លា ក្នុងស្រុកពញាក្រែក ខេត្តត្បូងឃ្មុំ ដើម្បីបន្តកសាងសមិទ្ធិផលបន្ថែម និងជួយទ្រទ្រង់ក្នុងទីអារាមនេះ ដែលជាទីគោរពបូជារបស់ប្រជាពលរដ្ឋខ្មែរ ក្នុងការបំរើឲ្យវិស័យព្រះពុទ្ធសាសនា ដែលជាសាសនារបស់រដ្ឋ។ មានប្រសាសន៍សំណេះសំណាលនាឪកាសនោះ ឯកឧត្តមបណ្ឌិត ជាម ច័ន្ទសោភ័ណ បានលើកឡើងថា ក្រោមការយកចិត្តទុកដាក់ខ្ពស់ពីរាជរដ្ឋាភិបាលកម្ពុជា ពិធីបុណ្យកឋិនទាន និងពិធីបុណ្យផ្សេងៗកើតឡើងទូទាំងប្រទេស គឺសុទ្ធសឹងដោយសារប្រទេសជាតិមានសុខសន្តិភាព ពលរដ្ឋខ្មែរទូទៅ អាចប្រកបរបរ រកទទួលទានបានដោយសេរី ដែលធ្វើអោយជីវភាពធូរធា មានលទ្ធភាពប្រារព្ធធ្វើបុណ្យផ្សេងៗ តាមគន្លងវិស័យព្រះពុទ្ធសាសនា។ ឯកឧត្តមបណ្ឌិត ជាម ច័ន្ទសោភ័ណ ក៍បានអំពាវនាវដល់បងប្អូនពុទ្ធបរិស័ទទាំងអស់ ត្រូវជឿជាក់ និងគាំទ្រ រួមដំណើរជាមួយសម្តេចតេជោ ហ៊ុន សែន រក្សាឲ្យបាននូវសុខសន្តិភាពនេះ ដើម្បីបន្តចូលរួមចំណែកក្នុងការកសាងសមិទ្ធផលនានា ទាំងវិស័យពុទ្ធចក្រ និងអាណាចក្រ ឲ្យមានការរីកចម្រើនបន្ថែមទៀត ឆ្ពោះទៅកាន់ត្រើយអភិវឌ្ឍន៍។ ឯកឧត្តមអភិបាលខេត្តបានប្រសិទ្ធិពរជ័យដល់ថ្នាក់ដឹកនាំ មន្រ្តីរាជការ កងកម្លាំងប្រដាប់អាវុធ និងពុទ្ធបរិស័ទ ដែលមានសទ្ធាជ្រះថ្លាចូលរួមថវិកាក្នុងអង្គកឋិនទាននេះ សូមឲ្យមហាកុសលផលបុណ្យ និងវត្ថុក្នុងលោកតាមជួយថែរក្សា ជួបតែសេចក្តីសុខគ្រប់ប្រការ។ សូមជម្រាបថា អង្គកឋិនទានសាមគ្គីនេះ នៅរសៀលថ្ងៃទី២ ខែវិច្ឆិកា ឆ្នាំ២០១៩ បានរៀបចំក្រងពាលី ធ្វើបទនមស្សការព្រះរតនៈត្រ័យ សមាទានសីល និមន្តព្រះសង្ឃចម្រើនព្រះបរិត្ត និងស្តាប់ព្រះធម៌ទេសនា។ លុះព្រឹកឡើង ត្រូវនឹងថ្ងៃទី៣ ខែវិច្ឆិកា ឆ្នាំ២០១៩ ឯកឧត្តមបណ្ឌិត ជាម ច័ន្ទសោភ័ណ និងលោកជំទាវ រួមទាំងថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធនិងពុទ្ធបរិស័ទ្ធជិតឆ្ងាយបាន រួមគ្នាដង្ហែអង្ញកឋិនទានប្រទក្សិណព្រះវិហារ ចំនួន៣ជុំ ទៅតាមប្រពៃណី នៃពុទ្ធសាសនាយ៉ាងអធិកអធមក្រៃលែង។