ស្រូវផ្ការំដួល ដែលមានក្លិនក្រអូប ឈ្ងុយ រស់ជាតិឆ្ងាញ់ ចាប់ផ្តើមប្រមូលផលហើយនៅស្រុកអូររាំងឪ ខេត្តត្បូងឃ្មុំ

Details

Category: Provincial News

បន្ទាប់ក ពូជស្រូវ និងពូជបន្លែ ដល់ប្រជាកសិកររងគ្រោះ ដោយជំនន់ ទឹកទន្លេមេគង្គ នៅឃុំមៀន ស្រុក អូររាំងឪ រួចមក ឯកឧត្តម លី ឡេង អភិបាលនៃគណៈអភិបាល ខេត្តត្បូងឃ្មុំ បានអញ្ចើញចុះពិនិត្ យការប្រមូលផល ស្រូវផ្ការំដួល ដែលមានក្លិនក្រអូប ឈ្ងុយ រស់ជាតិឆ្ងាញ់ របស់ប្រជាកសិករនៅភូមិទួលសុពណ៌ ឃុំទួលសុភី ស្រុកអូររាំងឪ ខេត្តត្បូងឃ្មុំ ។

នាឱកាសនោះ ឯកឧត្តម លី ឡេង ក៏បានសំណេះសំណាល និងសាកសួរសុខទុក ជាមួយបងប្អូន ប្រជាកសិករ នៅភូមិទួលសុពណ៌ ឃុំទួលសុភី យ៉ាងសប្បាយរីករាយ ដែលកំពុងប្រមូលផល ស្រូវផ្ការំដួល បានទិន្នផលខ្ពស់ គួរទីគាប់ចិត្ត ។

ក្នុងទឹកមុខសប្បាយ រីករាយក្នុងការ ប្រមូលផលស្រូវ របស់បងប្អូន ប្រជាកសិករនៅ ភូមិទួលសុពណ៌ បានប្រាប់ឲ្យដឹងថា ឆ្នាំនេះ ពូជស្រូវផ្ការំដួល ក្នុងភូមិសាស្ត្រស្រុកអូររាំងឪ មានការលូតលាស់ល្អ ទោះបីជួបភាពរាំងស្ងួត មួយរយៈពេលខ្លីក្តី។ តាមការប៉ាន់ស្មានទិន្នផលស្រូវដែលកំពុងច្រូតនាពេលនេះ ប្រមាណ៣,៨៤តោន ក្នុង១ហិចតា ហើយតម្លៃក៏ល្អដែលតម្លៃស្រូវសើម អាចលក់បាន ១.២៣០រៀល/គ.ក្រផងដែរ។

បើតាមរបាយការណ៍ របស់ លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ បានឲ្យដឹងថា ៖ ស្រូវផ្ការំដួល ក្នុងស្រុកអូររាំងឪ មានលក្ខណៈពិសេស ក្លិនក្រអូប ឈ្ងុយ ឆ្ងាញ់ គ្រាប់អង្កររលូន បាយទន់ល្អ គួរជាទីពេញចិត្ត។ បើគិតត្រឹមថ្ងៃព្រហស្បត្តិ៍ ទី២៥ ខែតុលា ឆ្នាំ២០១៨នេះ ការបង្កបង្កើនផលស្រូវរដូវប្រាំងទូទាំងខេត្តត្បូងឃ្មុំ បានអនុវត្តការភ្ជួររាស់បាន១.២០៥ហ.ត ស្មើនឹង១១,៤៨%នៃផែនការដាំដុះ(១០.៥០០ហត) និងដាំដុះបាន ៨៨៥ហត(សន្ទូង ៤០ហ.ត ព្រោះ៨៤៥ហត ) ស្មើនឹង៨,៤៣%នៃផែនការដាំដុះ និងសំណាប ២៨ហ.ត។

ដោយឡែក ដំណាំឧស្សាហកម្ម និងដំណាំរួម ផ្សំរដូវប្រាំង អនុវត្តការភ្ជួររាស់បាន ៦៥៥ហ.ត ស្មើនឹង៦,៨៨ %នៃផែនការដាំដុះ (៩ ៥២០ហត) និងដាំដុះបាន ៣៨០ហ.តស្មើនឹង ៣,៩៩% នៃផែនការដាំដុះ។ លោក បន្តថា ៖ ការប្រមូលផលស្រូវ រដូវវស្សាបាន ៣.៤៩៥ហ.ត ស្មើនឹង ៤,៤៥% នៃផ្ទៃដីបានដាំដុះសរុប (៧៨.៥០០ហត) ក្នុងនោះ ស្រូវបង្កើនរដូវ ៣.០៤៥ហត ស្មើនឹង១០០% ស្រូវស្រាលធម្មតា ២០៥ហ.ត ស្មើនឹង ២,៩៤% ស្រូវកណ្តាល(ស្រូវផ្ការំដួល) ២៤០ហត ស្មើនឹង ០,៦៤% ការប្រមូលផលដំណាំ ឧស្សាហកម្ម និងដំណាំរួមផ្សំរដូវវស្សាបាន ៩.៧០០ហ.ត ស្មើនឹង ១៥,០៧% នៃផ្ទៃដីបានដាំដុះ (៦២.៨៦០ហ.ត)។