ចុះឆ្មក់ឃើញស្តែងនឹងភ្នែកពេលកំពុងប្រព្រឹត្តបទល្មើស
- Details
- Category: Social Security News
ខេត្តបាត់ដំបង ៖ យោងតាមព័ត៌មានបឋមបានឲ្យដឹងថា កម្លាំងនគរបាលស្រុកមោងឫស្សី បានឃាត់ខ្លួនជនសង្ស័យចំនួន៣នាក់ដែលសង្ស័យមានជាប់ពាក់ព័ន្ធនឹងការជួញដូរគ្រឿងញៀនកាលពីវេលាម៉ោង៥និង១៥នាទីល្ងាចថ្ងៃទី៦ សីហា នៅចំណុចភូមិដើមដូង ឃុំមោង ស្រុកមោងឬស្សី។
សេចក្ដីរាយការណ៏បានឲ្យដឹងថា ជនសង្ស័យទាំង៣នាក់ខាងលើមាន ក្នុងនោះ១-ឈ្មោះ លឿត សំណាង ហៅយឿន ភេទប្រុស អាយុ២៣ឆ្នាំ នៅភូមិកន្សៃបន្ទាយ ឃុំមោង ស្រុកមោងឫស្សី ២-ឈ្មោះគឹម ចំរើន ហៅគោ ភេទប្រុស អាយុ២៥ឆ្នាំ នៅភូមិព្រៃព្រំ២ ឃុំរបស់មង្គល ស្រុកមោងឫស្សី និង៣-ឈ្មោះវ៉ាន់ ណាវី ភេទប្រុស អាយុ១៧ឆ្នាំ នៅភូមិវត្តលៀប សង្កាត់ចំការសំរោង ក្រុងបាត់ដំបង។សមត្ថកិច្ចបានឱ្យដឹងថា ក្រុមជនសង្ស័យខាងលើនេះត្រូវកម្លាំងជំនាញនៃអធិការស្រុកមោងឫស្សី ធ្វើការឃាត់ខ្លួនបានជាមួយនឹងវត្ថុតាងមួយចំនួនផងដែរពេល ពួកគេកំពុងប្រព្រឹត្តបទល្មើសជាក់ស្ដែង ។
តាមរបាយការណ៏បានឲ្យដឹងថា ក្នុងការឃាត់ខ្លួនជនសង្ស័យម្នាក់ខាងលើនេះ មន្ត្រីជំនាញក៏បានដកហូតនូវវត្ថុតាងរួមមាន ម្សៅក្រាមពណ៌សថ្លាប្រភេទ ICE (ម៉ាទឹកកក) ចំនួន៣ថង់ ស្មើនឹងទម្ងន់២៣,៦៣ក្រាម, ថង់សំរាប់វិចខ្ចប់ និងឧបករណ៍ប្រើប្រាស់គ្រឿងញៀនមួយចំនួនផង។ ពេលនេះមន្ត្រីជំនាញកំពុងសួរនាំ ដើម្បីកសាងសំណុំរឿងចាត់ការតាមនីតិវិធីហើយ៕
ដកស្រង់ពី៖កោះសន្តិភាព