ឈ្មួញជួញដូរម្នាក់នេះ មិនធម្មតាទេ!
- Details
- Category: Social Security News
ខេត្តកោះកុង ៖ នៅថ្ងៃទី១៦ វិច្ឆិកា វេលាម៉ោង១០និង២៥នាទីព្រឹក ដោយអនុវត្ត តាមអនុសាសន៍ណែនាំរបស់លោកឧត្តមសេនីយ៍ស្នងការនគរបាលខេត្តកោះកុង លោកវរសេនីយ៍ ឯក ហួន នុន អធិការនគរបាល ស្រុកស្រែអំបិល បានដឹកនាំកម្លាំងជំនាញប្រឆាំងគ្រឿងញៀន, ផ្នែកព្រហ្មទណ្ឌ, ប៉ុស្តិ៍រដ្ឋបាលស្រែអំបិល និងកំលាំងអន្តរាគមន៍ បានចុះអនុវត្តន៍តាមដីកាបង្គាប់អោយចាប់ខ្លួនរបស់សាលាដំបូងខេត្តកោះកុងលេខ :៣៦២៦ត.ព/១៩ ចុះថ្ងៃទី៣១/១២/១៩ ចេញដោយ ងួន ធីរ: ចៅក្រមស៊ើបសួរសាលាដំបូងខេត្តកោះកុង ។
ដោយបង្គាប់ឲ្យចាប់ខ្លួនជនសង្ស័យម្នាក់ ឈ្មោះ ផន ចិត្រា ភេទប្រុស អាយុ ៣២ឆ្នាំ ជនជាតិខ្មែរ ទីលំនៅបច្ចុប្បន្នភូមិ-ឃុំស្រែអំបិល ស្រុកស្រែអំបិល ខេត្តកោះកុង ពីបទជួញដូរចែកចាយនូវសារធាតុញៀនដោយខុសច្បាប់ នៅចំនុចរង្វង់មូលស្រែអំបិល ភូមិត្រពាំង ឃុំស្រែអំបិល ស្រុកស្រែអំបិល ជនសង្ស័យចាប់ខ្លួនបាននៅចំនុចក្នុងផ្ទះ ស្ថិតក្នុងភូមិស្រែអំបិល ឃុំស្រែអំបិល ស្រុកស្រែអំបិល ។
សមត្ថកិច្ចបានបញ្ជាក់ថា ក្រោយពេលឆែកឆេរ កំលាំងយើងបានរកឃើញម្សៅក្រាម ពណ៌.សថ្លា សង្ស័យថា ជាសារធាតុញៀនចំនួន១កញ្ចប់តូច ជញ្ជើងថ្លឹងថ្នាំ ពណ៌ខ្មៅចំនួន១គ្រឿង អាវុធAK ៤៧ ចាស់១ដើម គ្រាប់១៦គ្រាប់ (ក្នុងនោះគ្រាប់អឹមសីចំនួន២គ្រាប់) និងអាវុធកែឆ្នៃ ចំនួន២ដើមថែមទៀត។ចំពោះអាវុធ៣ ដើមខាងលើកំលាំងជំនាញប្រឆាំងគ្រឿងញៀន បានប្រគល់អោយ ទៅផ្នែកព្រហ្មទណ្ ឌដើម្បីកសាងសំណុំរឿងបន្ថែម ។
បច្ចុប្បន្នជនសង្ស័យត្រូវបានឃាត់ខ្លួននៅអធិការដ្ឋាននគរបាលស្រុកស្រែអំបិលដើម្បីកសាងសំណុំរឿងបញ្ជូនទៅតុលាការ ខេត្តកោះកុង ដើម្បីចាត់ការបន្ត។
ដកស្រង់ពី៖កោះសន្តិភាព