អនិច្ចា! ស្ត្រីដ៏ស្រស់ស្អាតម្នាក់សម្រេចចិត្តបញ្ចប់គ្រប់យ៉ាងក្នុងបន្ទប់ផ្ទះជួល
- Details
- Category: Social Security News
ខេត្តរតនគិរី ៖ បើតាមសេចក្តីរាយការណ៍បានឱ្យដឹងថា អនិច្ចាស្ត្រីវ័យ៣០ឆ្នាំដ៏ស្រស់ស្អាតសោភាម្នាក់បានសម្រេចចិត្តបញ្ចប់ជីវិតខ្លួនឯងដោយមិនដឹងពីមូលហេតុ ដោយយកកន្សែងមកចងភ្ជាប់នឹង.ក បង្កឱ្យមានការភ្ញាក់ផ្អើលកាលពីវេលាម៉ោង៦ល្ងាច នាថ្ងៃទី១២ ខែកុម្ភៈ ឆ្នាំ២០២១ នៅត្រង់ចំណុចផ្ទះជួលរបស់លោកណុប សឿន បន្ទប់លេខ១ ស្ថិតនៅក្នុងភូមិថ្មី សង្កាត់ឡាបានសៀក ក្រុងបានលុង ខេត្តរតនគិរី ។
ប្រភពពីគណៈបញ្ជាការឯកភាពក្រុងបានលុងខេត្តរតនគិរី បានឱ្យដឹងថា សាកសពស្ត្រីខាងលើនេះ មានឈ្មោះ ជា ស្រីម៉ិច ហៅស្រីស្រស់ អាយុ៣០ឆ្នាំ ជាជនជាតិខ្មែរ មុខរបរ មិនពិតប្រាកដ មានស្រុកកំណើតនៅឃុំព្រែកតាហ៊ូ ស្រុកស្ទឹងសែន ខេត្តកំពង់ធំ ។
ប្រភពដដែលបន្តថា ហើយបច្ចុប្បន្នស្ត្រីរងគ្រោះរូបនេះ ស្នាក់នៅបណ្តោះអាសន្នជាមួយក្មួយស្រីបង្កើតឈ្មោះ អាត ស្រីលាភ អាយុ១៣ឆ្នាំ ជាជនជាតិខ្មែរ រស់នៅភូមិ-ឃុំកើតហេតុខាងលើ ។
ក្រោយពេលកើតហេតុ កម្លាំងសមត្ថកិច្ចជំនាញបានចុះមកធ្វើការពិនិត្យ និងធ្វើកោសល្យវិច័យលើសាកសពស្ត្រីរងគ្រោះ បន្ទាប់ពីពិនិត្យរួច សាកសពស្ត្រីរងគ្រោះត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណីផងដែរ៕
ដកស្រង់ពី៖កោះសន្តិភាព