ប៉េអឹម ចាប់ឈើ ៤៧ដុំ សល់ពីឈ្មួញ លាក់ទុកក្នុងព្រៃ បម្រុងដឹកឆ្លងដែនទៅវៀតណាម
- Details
- Category: Social Security News
ខេត្តរតនគិរី៖ គំនរឈើចំនួន ៤៧ដុំ ដែលសេសសល់ពីក្រុមឈ្មួញរកស៊ីកន្លងមក ដែលលាក់ទុកក្នុងព្រៃ បម្រុងដឹកឆ្លងដែន ទៅលក់នៅប្រទេសវៀតណាម ត្រូវបានកម្លាំងមូលដ្ឋានកងរាជអាវុធហត្ថ ស្រុកអណ្តូងមាស ដឹកនាំដោយលោកវរសេនីយ៍ត្រី ហាក់ ប៊ុន្នី មេបញ្ជាការកងរាជអាវុធហត្ថស្រុក ចុះបង្រ្កាប និងរឹបអូស ប្រគល់ឱ្យជំនាញរដ្ឋបាលព្រៃឈើចាត់ការបន្តតាមនីតិវិធីច្បាប់។
ការប្រតិបត្តិការបង្ក្រាបនោះ បានធ្វើឡើង នៅថ្ងៃទី០៤ ខែមីនា ឆ្នាំ២០២១ នៅភូមិតាំងសេ ឃុំញ៉ាង ស្រុកអណ្ដូងមាស ខេត្តរតនគិរី។ គំនរឈើនោះ មានចំនួន ៤៧ដុំ ដែលសេសសល់ពីឈ្មួញរកស៊ីកន្លងមក លាក់ទុក បម្រុងដឹកឆ្លងដែន យកទៅលក់នៅប្រទេសវៀតណាម។
សមត្ថកិច្ចថា ឈើទាំងអស់ មិនទាន់វាស់វែងនៅឡើយ ហើយការបង្ក្រាបនោះ ដោយមានការសម្របសម្រួលពីព្រះរាជអាជ្ញារងអមសាលាដំបូងខេត្តរតនគិរី ផងដែរ។ ក្រោយបង្ក្រាបនោះ វត្ថុតាង ក៏បានដឹកយកទៅរក្សាទុកនៅស្នាក់ការ ៧៨៧ ដើម្បីប្រគល់ឱ្យជំនាញរដ្ឋបាលព្រៃឈើ ចាត់ការបន្តតាមនីតិវិធីច្បាប់ព្រៃឈើ៕
ដកស្រង់ពី៖កោះសន្តិភាព