អគ្គិភ័យឆាបឆេះផ្ទះលក់ពូកមួយកន្លែង នៅក្រុងបាត់ដំបង
- Details
- Category: Social Security News
ករណីអគ្គិភ័យមួយបានឆាបឆេះផ្ទះលក់ពូកមួយកន្លែង ដែលស្ថិតនៅផ្លូវលេខ១ ជិតផ្សារណាត់ ខេត្តបាត់ដំបង ត្រូវបានកងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ ចេញជួយអន្តរាគមន៍ពន្លត់អគ្គិភ័យនៅទីកន្លែងកើតហេតុផងដែរ នេះបើតាមព័ត៌មានបឋម ។
ហេតុការណ៍គ្រោះថ្នាក់អគ្គិភ័យនេះកើតឡើងវេលាម៉ោង១៧និង១៥នាទី ថ្ងៃទី០៦ ខែកក្កដា ឆ្នាំ២០២២ នៅត្រង់ចំណុចផ្ទះលក់ពូកមួយកន្លែង ក្នុងក្រុមទី៥ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ។ ម្ចាស់ផ្ទះមានឈ្មោះ អ៊ា អេងថុង ភេទប្រុស អាយុ៧០ឆ្នាំ មានមុខរបរ លក់ពូក (ហាងលក់ពូក) និងឆេះឆ្លងរាលដាលដល់ផ្ទះប្រជាពរដ្ឋជិតខាងប្រមាណ ១២ខ្នងផ្ទះទៀត ជាប្រភេទផ្ទះសង់អំពីឈើ និងដែកប្រក់សង្ក័សី ។ ចំពោះមូលហេតុ នៃអគ្គិភ័យខាងនេះ សមត្ថកិច្ចជំនាញ កំពុងធ្វើការស្រាវជ្រាវនៅឡើយ ។ យ៉ាងណាពុំមានគ្រោះថ្នាក់ដល់អាយុជីវិត ឫរបួសអ្នកណាម្នាក់នោះទេ ។ អគ្គិភ័យនេះ ត្រូវបានគ្រប់គ្រងទាំងស្រុងហើយ ដោយមានការចូលរួមពីប្រជាពលរដ្ឋជិតខាង និងកម្លាំងសមត្ថកិច្ច ប្រើប្រាស់រថយន្តពន្លត់អគ្គីភ័យទៅជួយអន្តរាគមន៍ បាញ់ទឹកពន្លត់ចំនួន ៦គ្រឿង ដោយប្រើប្រាស់ទឹកអស់ ១២ឡាន ៕
ដកស្រង់ពី៖ កោះសន្តិភាព