ចោរហារយច្រើនណាស់ធ្វើឱ្យពលរដ្ឋភ័យខ្លាចពលរដ្ឋស្នើថ្នាក់ដឹកនាំខេត្តតាកែវ ជួយកំចាត់ចោរហារយដើរលួចតាមមូលដ្ឋាន
- Details
- Category: Social Security News
ខេត្តតាកែវ ៖ ពលរដ្ឋរស់នៅក្នុងខេត្តតាកែវទាំងមូល បានលើកឡើងថា ក្រុមចោរហារយរាប់មិនអស់នាំគ្នាធ្វើសកម្មភាពដើរលួចមាន់ ទា គាស់បង្អួច លួចស្ទូច ទូរស័ព្ទ និងនៅពេលយប់លួចម៉ូតូ លួចលុយ ព្រមទាំងចូលលួចតាមវត្តអារាមទៀតផង ពុំលួសមួយពេលណាឡើយ ហើយអាជ្ញាធរគ្មានកំណត់មុខសញ្ញាចោរបាននោះទេ។
ជាក់ស្តែងនៅថ្ងៃទី២៤ ខែឧសភា ឆ្នាំ២០២៣នេះ ចោរហារយបានចូលលួចសម្ភារៈជាច្រើននៅវត្តស្លារម ស្ថិតនៅក្នុងឃុំរវៀង ស្រុកសំរោង ខេត្តតាកែវ ហើយក្រុមចោរក៏បានបន្សល់ទុកស្បែកជើងអោយសមត្ថកិច្ចយកទៅរក្សាទុកថែមទៀតផង។
យោងតាមព័ត៌មានច្បាស់ការណ៍ពីពលរដ្ឋបានបន្តទៀតថា កាលពីថ្ងៃទី២៣ ខែឧសភា នៅភូមិថ្លុកដូនទុំ ឃុំបានកាម មានចោរចូលលួចកាបូបលុយដល់ក្នុងផ្ទះ លួចមាន់ដល់ក្នុងផ្ទះ ហើយយកលុយ និងយកមាន់ទៅដោយសុវត្ថិភាព ក៏សមត្ថកិច្ចកំណត់មុខសញ្ញាមិនបានដូចគ្នាដែរ។
ជុំវិញករណីខាងលើ លោក ឡេង ប៊ុនឡុង អធិការដ្ឋាននគរបាលស្រុកព្រៃកប្បាស បានអោយដឹងថា លោកមិនទាន់បានទទួលព័ត៌នេះនៅឡើយទេ ព្រោះប៉ុស្តិ៍រដ្ឋបាលមិនរាយការណ៍ជូនលោក។ តែយ៉ាងណា លោកនឹងហៅមេប៉ុស្តិ៍មកសាកសួរ និងឈានដល់ការកំណត់មុខសញ្ញាក្រុមចោរដែលធ្វើសកម្មភាពខាងលើនេះ។
ពលរដ្ឋក៏បានសំណូមពរដល់ថ្នាក់ដឹកនាំខេត្តតាកែវទាំងមូល មេត្តាចាត់វិធានការក្រុមចោរហារយទាំងនេះអោយអស់ផង ព្រោះមន្ត្រីសមត្ថកិច្ចមានច្រើននាក់ណាស់ក្នុងខេត្ត មិនគួរបំបែកក្រុមចោរមួយក្តាប់តូចនេះ មិនបាននោះទេ។
ដកស្រង់ពី៖សន្តិភាព