អាជ្ញាធរស្រុកបូទុមសាគរ បំភ្លឺករណីពលរដ្ឋម្នា.ក់ ត្រូវអេស្កាវាទ័រ ថយកិនស្លា.ប់ ពុំពាក់ព័ន្ធការតវ៉ាដីធ្លីទេ
- Details
- Category: Social Security News
ខេត្តកោះកុង ៖ ករណីអេស្កាវាទ័រកិនពលរដ្ឋនៅខេត្តកោះកុងស្លាប់ភ្លាមៗ គ្រាន់តែគ្នាទៅការពារដីរបស់ខ្លួននោះ គឺជាព័ត៌មានក្លែងក្លាយ មិនមែនមកពីការតវ៉ាដីធ្លីឡើយ ។
យោងតាមរបាយការណ៍របស់អធិការដ្ឋាននគរបាល ស្រុកបូទុមសាគរ បានបង្ហាញថា ករណីអេស្កាវាទ័រ ថយកិនមនុស្សប្រុសស្លា.ប់ម្នាក់ កាលពីថ្ងៃទី២១ ខែកុម្ភៈ ឆ្នាំ២០២៤ វេលាម៉ោង១៣ និង៥០នាទី នៅចំណុចភ្នំត្រងោល ស្ថិតនៅភូមិជីមាល ឃុំអណ្ដូងទឹក ស្រុកបូទុមសាគរ ខេត្តកោះកុង ក្រោយពេលកើតហេតុអ្នកបើកបរគ្រឿងចក្រ បានរត់គេចខ្លួន ។
របាយការណ៍ដដែលអោយដឹងទៀតថា ស.ពជនរងគ្រោះ ឈ្មោះ សាត សាខន ភេទប្រុស អាយុ៦៣ឆ្នាំ (ស្លា.ប់នៅកន្លែងកើតហេតុ) មានទីលំនៅភូមិអណ្ដូងទឹក ស្រុកបូទុមសាគរ ខេត្តកោះកុង។ ក្រោយពេលកើតហេតុកម្លាំងជំនាញ និងគ្រូពេទ្យមណ្ឌលសុខភាព បានទៅពិនិត្យសាកស.ពជនរងគ្រោះ ពិតជាស្លា.ប់ដោយសារគ្រឿងចក្រថយកិនស្លាប់ពិតប្រាកដមែន ដោយអ្នកបើកបរគ្រឿចក្រ ខ្វះការប្រុងប្រយ័ត្ន ។
តាមការបំភ្លឺរបស់សាច់ញាតិជនរងគ្រោះ បានបញ្ជាក់ថា លោក សាត សាខន ជាអ្នកជួលអេស្កាវាទ័រ មកឈូសឆាយដីចម្ការរបស់គាត់ នៅចំណុចភ្នំត្រងោល ស្ថិតនៅភូមិជីមាល ឃុំអណ្តូងទឹក ស្រុកបូទុមសាគរ ខេត្តកោះកុង ហើយគាត់បានឈរពីក្រោយអេស្កាវាទ័រ នៅពេលនោះ អ្នកបើកអេស្កាវាទ័រ បានថយក្រោយ ដោយមិនបានមើល ក៏បានកិនគាត់ស្លាប់តែម្តង។
ហើយការស្លា.ប់របស់លោក សាត សាខន នេះមិនមានការពាក់ព័ន្ធ នឹងការការពារដី ឬការតវ៉ាដីធ្លី ដូចការចុះផ្សាយរបស់សារព័ត៌មាននោះទេ ពីព្រោះទីតាំងដីនោះគាត់បានចុះបញ្ជីជាដីមានលក្ខណៈជាប្រព័ន្ធរួចរាល់ហើយ ដែលមានក្បាលដីលេខ៥៣៩ ចុះបញ្ជីនៅថ្ងៃទី០៣ ខែសីហា ឆ្នាំ២០២២ មកម្លេះ ជាប្រភេទដីកសិកម្ម ស្ថិតក្នុងភូមិ ឃុំកើត ហេតុខាងលើ ។
ករណីខាងលើកនេះ កម្លាំងនគរបាលស្រុកបូទុមសាគរ កំពុងស្រាវជ្រាវស្វែងរកឃាត់ខ្លួនជនបង្ក ជាអ្នកបើកបរហើយ។ ចំពោះវត្ថុតាងគ្រឿងចក្រ (អេស្កាវាទ័រ) ត្រូវបាននាំយកមករក្សាទុកនៅអធិការដ្ឋាន ដើម្បីកសាងសំណុំរឿងតាមនិតិវិធី ៕
ដកស្រង់ពី៖កោះសន្តិភាព