ឆ្ម.ក់បង្រ្កាបទីតាំងខារ៉ាអូខេមួយកន្លែង ឃាត់ខ្លួន ប្រុសស្រីច្រើននាក់ រួមទាំងដកហូតបានថ្នាំញៀ.ន មួយចំនួន
- Details
- Category: Social Security News
រាជធានីភ្នំពេញ ៖ កម្លាំងសមត្ថកិច្ចនៃមន្ទីរ ប្រឆាំងគ្រឿងញៀន នៃអគ្គស្នងការនគរបាលជាតិបាន ធ្វើការឆ្មក់បង្រ្កាបទីតាំងមួយកន្លែង យីហោ ថាំង ហ៊ួយ ក្លឹប ដោយធ្វើការឃាត់ខ្លួនជនសង្ស័យជាជនជាតិបរទេសជាង១០០នាក់ រួមទាំងថ្នាំញៀនមួយចំនួនផងដែរ ។ រង្វង់ប្រតិបត្តិការចុះបង្ក្រាបទីតាំងខាងលើនេះ បានធ្វើឡើងកាលពីវេលាម៉ោង១១យប់ថ្ងៃទី៣១ ខែមិនា ឆ្នាំ២០២៤ នៅចំណុច KTV យីហោ ថាំង ហ៊ួយ ក្លឹប ដែលស្ថិតនៅតាមបណ្ដោយផ្លូវ១០៣ សង្កាត់ បឹងត្របែក ខណ្ឌចម្ការមន រាជធានីភ្នំពេញ ។
តាមប្រភពបានឱ្យដឹងថា មុនពេលកើតហេតុ គឺកម្លាំងសមត្ថកិច្ចនៃមន្ទីរប្រឆាំងគ្រឿងញៀននៃអគ្គស្នងការនគរបាលជាតិ បានសហការជាមួយ និងសមត្ថកិច្ចមូលដ្ឋានបានឆ្មក់បង្រ្កាបទីតាំងខារ៉ាអូខេខាងលើ ដោយធ្វើការឃាត់ខ្លួនជនសង្ស័យជាជនជាតិបរទេសជាង១០០នាក់ រួមទាំងបានដកហូតវត្ថុតាងមួយចំនួនសុទ្ធសឹងជាប្រភេទថ្នាំគ្រវីផងដែរ។ បច្ចុប្បន្ន ជនសង្ស័យប្រុសស្រីទាំងនោះ រួមទាំងវត្ថុតាងត្រូវបានកម្លាំងសមត្ថកិច្ចនាំខ្លួនយកទៅមន្ទីរប្រឆាំងគ្រឿងញៀន នៃអគ្គស្នងការនគរបាលជាតិ ដើម្បីសាកសួរ និងអនុវត្តនីតិវិធីផងដែរ ៕
ដកស្រង់ពី៖កោះសន្តិភាព