Radio Live
Social Network
កម្លាំងជលផល បន្តចុះបង្ក្រាបបទល្មើសនេសាទ នៅស្រុកកំពង់លែង និងស្រុករលាប្អៀរ
- Details
- Category: Social Security News
ខេត្តកំពង់ឆ្នាំង ៖ កម្លាំងជំនាញខណ្ឌរដ្ឋបាលជលផល នៅថ្ងៃទី២៧ ខែសីហា ឆ្នាំ២០២៤នេះ បានបន្តចុះបង្ក្រាបបទល្មើសនេសាទ នៅតាមដងទន្លេ ក្នុងភូមិសាស្ត្រស្រុកកំពង់លែង និងស្រុករលាប្អៀរ ។
កម្លាំងជំនាញខណ្ឌរដ្ឋបាលជលផល បានចែកចេញជា ២ក្រុម ដែលក្រុមទី១ ចុះទៅកាន់ចំណុចទំនប់តាម៉េវ ភូមិដូនវៀត ឃុំពង់ហៅ ស្រុកកំពង់លែង និងក្រុមទី២ ចុះទៅកាន់ចំណុចភូមិកន្លែងភេ ឃុំគោកបន្ទាយ ស្រុករលាប្អៀរ ដោយពិនិត្យឃើញមានបទល្មើសមួយចំនួន ហើយត្រូវបានកម្លាំងជំនាញសម្រេចរុះបំផ្លាញចោល នៅនឹងកន្លែងតែម្តង ។
នៅក្នុងប្រតិបត្តិការណ៍បង្ក្រាបបទល្មើសនេសាទនេះ កម្លាំងជំនាញសម្រេចរុះរើបំផ្លាញចោល មានរបាំងកាត់ព្រែក ៣កន្លែង ប្រវែង ១៥ម៉ែត្រ ព្រួល ១០ផែន បង្គោល ៦០ដើម លប ៩គ្រឿង របាំងស្បៃមុង ៧កន្លែង ប្រវែង ២៨០ម៉ែត្រ លូស្បៃមុង៧គ្រឿង បង្គោល ១៩០ដើម និងចាក់លែងត្រីចម្រុះល្អិតៗ ចំនួន២០គីឡូក្រាម ៕
ដកស្រង់ពី៖កោះសន្តិភាព