ដាច់ភ្លើងនៅម្ដុំផ្សារតូច សង្កាត់ទួលសង្កែ ដោយសាររថយន្ដបើកបុកបង្គោលភ្លើង, ក្រុមបច្ចេកទេសកំពុងធ្វើការជួសជុល ដើម្បីឲ្យមានភ្លើងឡើងវិញ
- Details
- Category: Social Security News
(ភ្នំពេញ)៖ រថយន្តមួយគ្រឿង បើកបុកបង្គោលភ្លើងខ្សែបណ្ដាញតង់ស្យុងទាប (LV) ចំនួនមួយដើម ដែលមានទីតាំងស្ថិតនៅភូមិផ្សារតូច សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។ ហេតុនេះហើយ ទើបអគ្គិសនីកម្ពុជា នៅវេលាម៉ោង០៧៖០៥នាទីព្រឹក នៅថ្ងៃទី២៣ ខែមីនា ឆ្នាំ២០១៨ អគ្គិសនីកម្ពុជា សូមធ្វើការផ្អាកការផ្គត់ផ្គង់ចរន្តអគ្គិសនី បណ្តោះអាសន្ននៅបន្ទប់ភ្លើងលេខ 001-F6។
អគ្គិសនីកម្ពុជា បានបញ្ជាក់ថា ក្រុមការងារបច្ចេកទេសកំពុងធ្វើការជួសជុល ដើម្បីភ្ជាប់ចរន្តជូនអតិថិជនឲ្យមានចរន្តអគ្គិសនីប្រើប្រាស់ឡើងវិញ នៅមុនវេលាម៉ោង ១០:០០នាទីព្រឹក។ អគ្គិសនីកម្ពុជា សូមអំពាវនាវដល់ប្រជាពលរដ្ឋឲ្យមានការប្រុងប្រយ័ត្នខ្ពស់ នៅពេលបំពេញការងារនៅជិតគន្លងខ្សែបណ្ដាញអគ្គិសនី ពីព្រោះអាចបណ្ដាលឲ្យមានការរអាក់រអួលក្នុងការផ្គត់ផ្គង់ចរន្តអគ្គិសនី និងគ្រោះថ្នាក់ជាយថាហេតុ៕
ដកស្រង់ពី៖FRESH NEWS