Social Network

Klopp ​ថា​ទម្លាក់​ Barca យប់​មិញ​គ្មាន​ក្បួន​គ្មាន​ល្បិច​អី​ទេ គឺ​គុណ​សម្បត្តិ​​កីឡាករ​

Liverpool បានវាយបកយកឈ្នះ Barcelona សរុបទាំងពីរជើងដោយលទ្ធផល ៤-៣ ដើម្បីឡើងវគ្គផ្ដាច់ព្រ័ត្រ UEFA Champions League។

កាលពីជើងទីមួយ Barca បានផ្ដល់ថ្នាំខ្លាំងដោយបំបាក់ហង្សក្រហម ៣-០ ប៉ុន្តែពេលមកកាន់ទឹកដី Anfield ហង្សបានយកឈ្នះ Barca វិញដោយលទ្ធផល ៤-០ ដើម្បីឡើងទៅវគ្គផ្ដាច់ព្រ័ត្រដែលរៀបចំឡើងនៅទីក្រុង ម៉ាឌ្រីដ ប្រទេសអេស្ប៉ាញ។

ទោះជាមានគុណសម្បត្តិដឹកនាំក្រុមឡើងក៏ពិតមែនប៉ុន្តែ Jurgen Klopp ដែលជាអ្នកចាត់ការទូទៅបាននិយាយថាលោក គ្មានក្បួន ឬយុទ្ធសាស្ត្រអ្វីដើម្បីបំបាក់ Barca យ៉ាងសម្បើមបែបនេះទេ។ បុរសសញ្ជាតិអាល្លឺម៉ង់ដដែលបន្ថែមថា នៅពីក្រោយជ័យជម្នះនេះគឺជាការលេងល្អរបស់កីឡាករប៉ុណ្ណោះ។

"ការប្រកួតយប់មិញគឺមហាតានតឹង។ ការឈ្នះគឺជារឿងលំបាកហើយ តែការបិទមិនឲ្យក្រុមដូចជា Barca ស៊ុតចូលគឺជារឿងកាន់តែលំបាក។ ខ្ញុំមិនដឹងថាកូនក្រុមរបស់ខ្ញុំធ្វើវាបានដោយរបៀបណាឡើយ"។ Klopp និយាយក្រោយចប់ការប្រកួតដូច្នេះ៕

ដកស្រង់ពី៖ Sabay