កូរ៉េខាងត្បូង កំពុងពិចារណាលើការសហវិនិយោគបង្កើតកីឡដ្ឋានបាល់ទាត់ស្ដង់ដារអន្តរជាតិមួយនៅលើទឹកដីឧដុង្គ ទំហំ៣០ហិកតា ដែលចំណាយប្រាក់ប្រមាណ១០លានដុល្លារអាមេរិក។
បើតាមលោក ខូវ ឆាយ បានបញ្ជាក់ក្នុងដំណើរទស្សនកិច្ចនៅប្រទេសកូរ៉េខាងត្បូងកាលពីម្សិលមិញនេះ។ អគ្គលេខាធិការក្រុមក្រសួងការពារជាតិខាងលើបានបញ្ជាក់ថាក្នុងដំណើរនេះ មានរយៈពេល៦ថ្ងៃ ហើយក្រុមរបស់លោកក៏បានប្រកួតមិត្តភាព៦ប្រកួតផងដែរ។
ក្នុងនោះ លោកបានទទួលបទពិសោធយ៉ាងច្រើន និងចងសម្ព័ន្ធភាពជាមួយអភិបាលក្រុងដល់ទៅ៣ឯណោះនៅកូរ៉េ។ អ្វីដែលកាន់តែពិសេសទៀតនោះ លោកបានបញ្ជាក់ថាសមិទ្ធផលធំមួយគឺខាងភាគីកូរ៉េពិចារណាលើការសហវិនិយោគបង្កើតកីឡដ្ឋានបាល់ទាត់ស្ដង់ដារអន្តរជាតិមួយហើយនៅទឹកដីឧដុង្គ លើផ្ទៃដី៣០ហិកតា ដោយគ្រោងចំណាយប្រាក់អស់១០លានដុល្លារ៕
ដកស្រង់ពី៖ Sabay