Bale ដូចជាមនុស្សឯកោ ពេលត្រលប់ទៅចូលរួមជាមួយ Real Madrid ជាថ្មី
- Details
- Category: Sport News
ខ្សែបម្រើប្រយុទ្ធ Gareth Bale បានបង្ហាញកាយវិការដូចមនុស្សឯកោ ពេលដែលត្រលប់ចូលរួមជាមួយក្រុមកីឡាករ Real Madrid ដើម្បីហោះទៅកាន់ប្រទេសកាណាដាត្រៀមហ្វឹកហាត់ប្រកួតកម្ដៅសាច់ដុំត្រៀមបើករដូវកាលថ្មីកាលពីម្សិលមិញ។
Bale បានធ្លាក់ចេញពីជម្រើសក្នុងកីឡដ្ឋាន Bernabeu បន្ទាប់ពីមិនស្ថិតក្នុងខ្សែភ្នែករបស់អ្នកចាត់ការ Zinedine Zidane ប៉ុន្តែគេបានតាំងចិត្តថានឹងព្យាយាមយកតំណែងលេងមកវិញឲ្យបាន។ ដោយសារមិនទាន់រកឃើញក្លឹបណាទិញកីឡាករសញ្ជាតិវែលនេះបាន Real បានដាក់បញ្ចូលឈ្មោះ Bale ក្នុងការត្រៀមខ្លួនរបស់ពួកគេសម្រាប់រដូវកាលថ្មី។
Real បានហោះទៅកាន់ទីក្រុង Montreal ប្រទេសកាណាដា ដែលជាកន្លែងពួកគេហ្វឹកហាត់ មុនពេលធ្វើដំណើរទៅកាន់សហរដ្ឋអាមេរិកដើម្បីលេងពានមិត្តភាព International Champions Cup។ តាមកាលវិភាគពួកគេត្រូវប៉ះ Bayern Munich, Arsenal និង Atletico Madrid៕
ដកស្រង់ពី៖ Sabay