Lukaku អុកឡុកនៅ Serie A ជួយក្រុមឡើងលេខ១ នៅសប្ដាហ៍ដំបូង
- Details
- Category: Sport News
Inter Milan បានប្រកួតសប្ដាហ៍ទីមួយរបស់ខ្លួនក្រោយគេ ដោយបានយកឈ្នះ Leece ដែលមានគ្នាត្រឹម១០នាក់ដោយលទ្ធផល ៤ទល់នឹង០។
ជ័យជម្នះរបស់ក្រុមជើងខ្លាំងនៅទីក្រុងមីឡាន បានមកពីកីឡាករ៤រូបផ្សេងគ្នា ដោយ១គ្រាប់ធ្វើបានដោយខ្សែប្រយុទ្ធចំណូលថ្មី Romelu Lukaku ដែលក្លឹបទិញពី Manchester United។ កីឡាករវ័យ២៦ឆ្នាំ ស៊ុតបញ្ចូលទីប្រកួតផ្លូវការដំបូងរបស់ខ្លួនឲ្យក្លឹបនៅនាទី៦០។
ខ្សែប្រយុទ្ធសញ្ជាតិបែលហ្សិករកបាន៤២គ្រាប់ឲ្យ United ក្នុងចំណោម៩៦ប្រកួតក្រោយចំណាយពេល២រដូវកាលនៅទីនោះ។ Lukaku ត្រូវលោក Antonio Conte ផ្ដល់សេចក្ដីទុកចិត្ត និងទិញយកក្នុងតម្លៃជាង៧០លានពីបិសាចក្រហម៕
