Zidane និយាយពីកំហុសធំមួយ ដែលនាំឲ្យ Real ចាញ់ PSG ធ្ងន់ធ្ងរ
- Details
- Category: Sport News
Zinedine Zidane លើកឡើងថា កីឡាកររបស់ Real Madrid ទាំងអស់គឺខ្វះការតាំងចិត្ត បន្ទាប់ក្រុមជើងឯក១៣សម័យប្រកួតបើកឆាកចាញ់ Paris Saint Germain ៣-០។
Real Madrid បង្ហាញការលេងអន់មែនទែនកាលពីយប់មិញ ជាពិសេសទាត់មិនចំគោលដៅសូម្បីមួយជើង។ និយាយក្នុងសន្និសីទកាសែតក្រោយចប់ការប្រកួត Zidane លើកឡើងថា PSG ល្អជាង Real ពីអ្វីដែលពួកគេបានលេងជាពិសេសតំបន់បម្រើ។
“អ្វីដែលធ្វើឲ្យខ្ញុំមិនសប្បាយចិត្តគឺ ពួកយើងមិនបានដាក់ចិត្តលេងឲ្យខ្លាំងក្លាក្នុងការប្រកួត ហើយនៅកម្រិតនៃការប្រកួតប្រជែងបែបនេះ វាមិនអាចទៅរួចទេ។ ពួកគេ (PSG) បង្កើតឱកាសល្អៗច្រើន តែវាមិនមែនជាក្ដីបារម្ភរបស់ខ្ញុំទេ។ អ្វីដែលខ្ញុំបារម្ភគឺ ក្រុមខ្វះការតាំងចិត្ត"។
សម្ដីរបស់ Zidane។ លទ្ធផលបរាជ័យនេះធ្វើឲ្យ Real Madrid ស្ថិតនៅបាតតារាងពូល A។ PSG ស្ថិតនៅកំពូលតារាង ខណៈ Club Brugge និង Galatasary នៅលេខ២និង៣ ក្រោយប្រកួតស្មើគ្នា ០-០៕
