Lallana ពង្រីកកុងត្រាថ្មីជាមួយ Liverpool ដើម្បីមានឱកាសលើកពាន PL នឹងគេ
- Details
- Category: Sport News
ខ្សែបម្រើរបស់ Liverpool កីឡាករ Adam Lallana បានយល់ព្រមពង្រីកកុងត្រាថ្មីជាមួយក្លឹបរហូតដល់ចប់រដូវកាលនេះ។
កីឡាករសញ្ជាតិអង់គ្លេសវ័យ៣២ឆ្នាំគ្រោងចាកចេញដោយគ្មានតម្លៃខ្លួនផ្ទេរ ពេលដែលកុងត្រារបស់គេផុតនៅថ្ងៃទី ៣០ ខែ មិថុនា។ រដូវកាល២០១៩-២០ នឹងចាប់ផ្ដើមឡើងវិញនៅថ្ងៃទី ១៧ ខែ មិថុនា បន្ទាប់ពីសម្រាកអស់១០០ថ្ងៃព្រោះតែវីរុសកូរ៉ូណារាតត្បាត ហើយពេលនេះ Lallana បានបន្ថែមកុងត្រាថ្មីធ្វើឲ្យគេអាចនៅជាមួយក្លឹបដល់ចប់រដូវកាល។
“ខ្ញុំពិតជាមានសេចក្ដីរីករាយមានឱកាសអាចនៅបន្តរហូតចប់រដូវកាល។ វាពិតជាមានន័យណាស់សម្រាប់ខ្ញុំនឹងគ្រួសាររបស់ខ្ញុំ"។ សម្ដីរបស់ Lallana។ Liverpool បច្ចុប្បន្នកំពុងដាច់២៥ពិន្ទុឈរកំពូលតារាង Premier League និងកាន់តែខិតជិតលើកពានជាលើកដំបូងក្នុងរយៈពេល៣០ឆ្នាំ៕
