Simeone គ្មានពាក្យបកស្រាយ ពេលឃើញ Griezmann មានបញ្ហានៅ Barca
- Details
- Category: Sport News
គ្រូបង្គោលក្លឹប Atletico Madrid លោក Diego Simeone អស់យោបល់ ពេលឮអ្នកសារព័ត៌មានសួរសំណួរពាក់ព័ន្ធនឹងការធ្លាក់ចុះទម្រង់លេងរបស់ខ្សែប្រយុទ្ធបារាំង Antoine Griezmann នៅក្លឹប Barcelona។
ក្រោយប្រកួតរវាង Atletico Madrid និង Barcelona មានអ្នកសារព័ត៌មានម្នាក់បានសួរលោក Simeone ទាក់ទិននឹងរឿង Griezmann។ ភ្លាមៗនោះបុរសជនជាតិអាហ្សង់ទីនរូបនេះបានឆ្លើយយ៉ាងខ្លីថា៖ " គ្មានពាក្យបកស្រាយទេ " ហើយក៏ដើរចេញទៅ។ Griezmann ត្រូវបានប្ដូរចូលក្នុងនាទីទី៩០ ហើយលេងបានតែជាង ២នាទីប៉ុណ្ណោះ អាជ្ញាកណ្ដាលក៏ផ្លុំកញ្ចែបញ្ចប់ការប្រកួត។
កីឡាករបារាំងរូបនេះបានផ្ទេរមក Barcelona កាលពីរដូវក្ដៅឆ្នាំ២០១៩កន្លងទៅក្នុងតម្លៃខ្លួនជាង ១៣៤លានដុល្លារ ហើយចាប់ពីពេលនោះមក កីឡាកររូបនេះរកបាន ៤៣ប្រកួត ហើយរកបានតែ ១៤គ្រាប់ប៉ុណ្ណោះ៕
