Sarri ចង់ដាក់ U23 លេងទល់ Roma ប្រកួតចុងក្រោយ Serie A
- Details
- Category: Sport News
លោក Sarri អ្នកចាត់ការក្រុម Juventus បានបង្ហើបថានឹងដាក់ក្រុម U23 របស់ខ្លួន ចូលលេងទល់ក្រុម Roma សម្រាប់ការប្រកួតចុងក្រោយ Serie A នៅយប់ថ្ងៃសៅរ៍នេះ។
បុរសចូលចិត្តបារីខាងលើនេះ កំពុងមិនពេញចិត្តជាមួយកាលវិភាគរបស់លីគអ៊ីតាលីឡើយ។ ការមិនពេញចិត្តនេះកើតឡើងក្រោយពីក្រុម Juventus មានការប្រកួត៥ប្រកួត ក្នុងរយៈពេល១២ថ្ងៃចុងក្រោយនេះ ដែលធ្វើឱ្យលោក Sarri គិតថាមានផលអវិជ្ជមានច្រើន។
ខណៈដែលប្រកួតនៅយប់មិញនេះ ពួកគេបានបរាជ័យក្រោមថ្វីជើងក្រុម Cagliari ក្នុងលទ្ធផលដល់ទៅ ២-០ឯណោះ។ អ្នកចាត់ការសញ្ជាតិអ៊ីតាលីខាងលើ បានអះអាងថាដោយសារតែកាលវិភាគញឹកគ្នាពេកនេះហើយ ទើបលោកអាចនឹងប្រើក្រុម U23 របស់ Juventus ដើម្បីលេងប្រកួតចុងក្រោយទល់ Roma តែម្ដង។
ការធ្វើបែបនេះ ដោយសារតែលោកគ្មានជម្រើសឡើយ ព្រោះមិនចង់ឱ្យកីឡាកររបួស ខណៈដែលនៅសល់ការប្រកួតសំខាន់នៅ UEFA Champions League ទៀត។ នៅដើមខែក្រោយនេះ Juventus ត្រូវប្រកួតជាមួយក្រុម Lyon វគ្គ១៦ក្រុមចុងក្រោយ UCL ជើងទី២។
ដោយកាលពីជើងទី១កន្លងទៅ Juventus ចាញ់ Lyon ក្នុងលទ្ធផល ១-០៕
