កីឡាករដែលប្រកាសស្រឡាញ់ Arsenal ជារៀងរហូត ពេលនេះផ្លាស់មក Spurs
- Details
- Category: Sport News
Spurs ប្រកាសទិញបានខ្សែការពារស្ដាំ Matt Doherty ពីក្លឹប Wolves និងបង្គាប់ឲ្យគេលុបសារដែលធ្លាប់សរសេរ “I love Arsenal forever” លើបណ្ដាញសង្គម Twitter។
កីឡាករវ័យ២៨ឆ្នាំសញ្ជាតិអៀរឡង់បានចុះកុងត្រារយៈពេល៤ឆ្នាំជាមួយ Spurs ដោយធ្លាប់បង្ហាញខ្លួនជាង៣០០ប្រកួតអំឡុងពេលលេងឲ្យ Wolves។
វីដេអូក្នុងបណ្ដាញសង្គមបង្ហាញពីការទិញបាន Doherty ក្លឹបបានឲ្យគេលុបសារ “I love Arsenal forever” ដែលគេបានបង្ហោះកាលពីឆ្នាំ២០១២។ ការមកដល់របស់ Doherty ធ្វើឲ្យខ្សែការពារ Serge Aurier បាត់បង់កន្លែងលេង។
Aurier បច្ចុប្បន្នកំពុងមានការទាក់ទងទៅលេងនៅ AC Milan ឬ Bayer Leverkusen។ Matt Doherty ជាកីឡាករទី៣ដែល Spurs បាននាំយកក្នុងរដូវក្ដៅនេះ បន្ទាប់ពីខ្សែបម្រើ Pierre-Emile Hojbjerg និង អ្នកចាំទី Joe Hart៕
