សោកស្ដាយ! ស្ដេចខ្មោច Undertaker ប្រកាសចូលនិវត្តន៍ពី WWE ហើយ
- Details
- Category: Sport News
កំពូលអ្នកកីឡាកាសស្ដេចខ្មោច Undertaker បានប្រកាសចូលនិវត្តន៍ពីអាជីពហើយ បន្ទាប់ពីចំណាយពេលអស់៣០ឆ្នាំ។
Undertaker វ័យ៥៥ឆ្នាំបានដើរទៅកាន់សង្វៀនសម្រាប់ពេលវេលាចុងក្រោយក្នុងកម្មវិធី Survivor Series កាលពីយប់ថ្ងៃអាទិត្យ ដោយស្លៀកសំលៀកបំពាក់ស្ដេចខ្មោចជាលើកចុងក្រោយ។ អំឡុងពេលប្រកាស លោក Mark Calaway ដែលជាឈ្មោះពិតរបស់ Undertake ពន្យល់ពីហេតុផលដែលសម្រេចចិត្តចូលនិវត្តន៍។
Calaway បញ្ជាក់ថា រយៈពេល៣០ឆ្នាំ គេបានដើរយឺតៗមកកាន់សង្វៀននិងបញ្ចប់កីឡាករជាច្រើន។ ប៉ុន្តែឥលូវនេះពេលវេលារបស់គេបានមកដល់។ គេត្រូវឲ្យ Undertaker សម្រាកម្ដងហើយ។ ការបញ្ចប់អាជីពនេះបានធ្វើឲ្យអ្នកគាំទ្រជាច្រើនសោកស្ដាយ។
ក្នុងថ្ងៃចុងក្រោយរបស់ Undertaker គេបានឃើញវត្តមានវីរបុរសកីឡាកាសជាច្រើនលេចមុខលើសង្វៀនមានដូចជា Triple H, Shawn Michaels, Kane, The Big Show និងVince McMahon៕
