Kane រក២គ្រាប់ឱ្យ Spurs ឈ្នះ Dinamo Zagreb
- Details
- Category: Sport News
ក្រុម Spurs ហាក់មិនពិបាកក្នុងការយកឈ្នះលើក្រុម Dinamo Zagreb នោះទេ សម្រាប់ការប្រកួតពានរង្វាន់ Europa League កាលពីយប់មិញនេះ។
សម្រាប់ការប្រកួតខាងលើនេះដែរ Harry Kane រកបាន២គ្រាប់ម្នាក់ឯងជួយក្រុម Spurs យកជ័យជម្នះនៅជើងទី១នេះ។ ខណៈដែលលទ្ធផលបិទដៃគូមិនឱ្យស៊ុតចូលនេះ បានធ្វើឱ្យក្រុមរបស់លោក Jose Mourinho កាន់តែមានទំនុកចិត្ត១កម្រិតទៀតហើយសម្រាប់ជើងទី ២ ក៏ដូចជាការឡើងទៅវគ្គ៨ក្រុមចុងក្រោយ។
យ៉ាងណាមិញ នៅយប់មិញ Kane ក្រោយពីរកបាន២គ្រាប់ហើយ ក៏ត្រូវប្ដូរចេញផងដែរ ក្រោយពីមានការប៉ះទង្គិចនៅជង្គង់របស់គេ។ អ្នកចាត់ការ Jose រំពឹងថាវាគ្រាន់តែជាការឈឺចាប់បន្តិចបន្តួចប៉ុណ្ណោះមិនមានអ្វីធ្ងន់ធ្ងរនោះទេ ព្រោះ Spurs ត្រូវមានភារកិច្ចធំមួយទៀតដោយប៉ះក្រុម Arsenal នាចុងសប្ដាហ៍នេះ៕
