Hazard នឹងលែងបានលេងបាល់រហូត បើហ៊ានវះកាត់លើកទី៣
- Details
- Category: Sport News
គ្រូពេទ្យជំនាញនៅអេស្ប៉ាញបានបញ្ជាក់ថាខ្សែប្រយុទ្ធ Eden Hazard នឹងមិនអាចលេងបាល់បានទៀតទេ ប្រសិនបើគេវះកាត់ជាលើកទី៣លើរបួសកជើង។
កីឡាករបែលហ្សិកខាងលើនេះ មានបញ្ហារបួសជាប់តែម្ដង បន្ទាប់ពីផ្លាស់មកលេងនៅក្រុម Real Madrid នាឆ្នាំ២០១៩មក។ ដោយឡែកនៅពេលថ្មីៗនេះ ក៏ស្រាប់តែមានដំណឹងថា Hazard មានបញ្ហារបួសកជើង ដែលតម្រូវឱ្យមានការវះកាត់ទៀតផងដែរ។
ដោយការវះកាត់នេះ គឺជាការវះកាត់លើកទី៣ហើយសម្រាប់គេ។ លោក Jose Gonzalez ដែលជាគ្រូពេទ្យជំនាញម្នាក់របស់អេស្ប៉ាញ បានបញ្ជាក់ថាការវះកាត់លើកទី៣ អាចនឹងបញ្ចប់អាជីពរបស់ Hazard តែម្ដង។ ការវះកាត់កជើងលើកទី៣ គឺមានហានិភ័យណាស់សម្រាប់ Hazard ។
វាអាចនឹងធ្វើឱ្យរូបគេមិនអាចលេងបាល់ទៀតនោះទេ។ កជើង ជារបួសត្រូវយកចិត្តទុកដាក់បំផុត។ សូមបញ្ជាក់ថា Hazard បានធ្វើដំណើរទៅក្រុងឡុងហើយ ដើម្បីពិគ្រោះយោបល់រឿងវះកាត់របួសរបស់គេនេះ។ ខណៈដែលអតីតកីឡាករ Chelsea រូបនេះតាំងពីមកអេស្ប៉ាញ ញាំញីដោយរបួសខ្លាំងណាស់៕