កាន់តែធ្ងន់! ក្លឹបធំៗនៅអង់គ្លេសរងការព្រមានមិនឲ្យទិញកីឡាករបរទេសចូល
- Details
- Category: Sport News
រដ្ឋលេខាធិការកីឡារបស់អង់គ្លេសលោក Oliver Dowden បានព្រមានថា ក្លឹបធំៗអាចនឹងត្រូវហាមមិនឲ្យទិញកីឡាករបរទេសចូល សម្រាប់គម្រោងពាន European Super League របស់ពួកគេ។
លោក Oliver បានបញ្ជាក់ធ្ងន់ៗដោយនឹងព្យាយាមធ្វើគ្រប់យ៉ាងតាមដែលលោកអាចធ្វើបានដូចជាដកទិដ្ឋកា និងបន្ថែមពន្ធ ប្រសិនបើក្លឹបធំៗនៅអង់គ្លេសមិនថយក្រោយ ចំពោះការចូលរួមជាមួយ ESL។
Manchester United, Manchester City, Chelsea និង Liverpool សុទ្ធតែជាក្លឹបយល់ព្រមសហការធ្វើជាស្ថានិកនៃពានខាងលើ។ កាលពីម្សិលមិញលោក Oliver បានចូលរួមប្រជុំជាមួយ Premier League, សហព័ន្ធបាល់ទាត់អង់គ្លេស, ប្រធាន UEFA និងនាយករដ្ឋមន្ត្រីអង់គ្លេសដើម្បីដោះស្រាយបញ្ហា ESL។
លោក Oliver បានចេញសេចក្ដីថ្លែងការណ៍ដ៏ម៉ឺងម៉ាត់គ្រោងដាក់ពិន័យផ្សេងៗដូចជា បន្ថែមពន្ធ ដកប័ណ្ណការងារ និងផ្សេងៗទៀត បើក្លឹបទាំងនោះមិនស្ដាប់។ សាកសួរអំពីការបម្រាមនាំចូលកីឡាករបរទេស លោក Oliver បានបញ្ជាក់ផងដែរថា លោកនឹងពិចារណាពីរឿងនេះ ហើយនឹងធ្វើប្រសិនបើវាចាំបាច់៕
