ឃីម បូរ៉ា និយាយពីបទពិសោធវ៉ៃ ១ទឹក ៩នាទី
- Details
- Category: Sport News
អ្នកប្រដាល់កំពុងឡើងកូដខ្លាំង ឃីម បូរ៉ា ឡើងវ៉ៃកម្មវិធី Mas Fight ១ទឹក ៩នាទី ទទួលបានបទពិសោធច្រើន ប៉ុន្តែដល់ចុងទឹកអស់ស៊ុហ្វតែម្ដង។
បូរ៉ា លើកឡើងថា បទពិសោធទី១ គឺហ្គ្រង់វ៉ៃប្លែកជាងរាល់ដង ទន់ស្ដើងជាងធម្មតាវ៉ៃចូលមានកម្លាំងខ្លាំង។ ទី២ ប្រឹងផ្ដាច់គេ ប្រឹងវ៉ៃគេរហូត និងទី៣ ដោយសារហាត់មិនបានពេញអស់ស៊ុហ្វនៅចុងទឹកតែម្ដង។
រំលឹកដែរថា ឃីម បូរ៉ា បានឡើងប្រកួត Mas Fight ១ទឹក ៩នាទី លើកទី១ របស់ខ្លួនក្នុងអាជីពកាលពីថ្ងៃទី១១ ខែមេសា ឆ្នាំ២០២១ នៅសង្វៀន Town។ ចំពោះលទ្ធផលគឺស្មើជាមួយកីឡាករ វៀត ប៊ុនឌឿន៕
