Arsenal ទំនងជាគ្មានឱកាសលេងពានអឺរ៉ុបទេរដូវកាលក្រោយ
- Details
- Category: Sport News
ក្រុមកាំភ្លើងធំ Arsenal បានធ្លាក់ចេញពីពានរង្វាន់ Europa League ហើយ ក្រោយពីលេងបានត្រឹមស្មើជាមួយក្រុម Villarreal ក្នុងលទ្ធផល ០-០ នៅជើងទី២យប់មិញ ព្រោះជើងទី១កន្លងទៅ ពួកគេចាញ់ ២-១។
បរាជ័យនៅវគ្គពាក់កណ្ដាលផ្ដាច់ព្រ័ត្រនេះ នឹងធ្វើឱ្យលោក Arteta អ្នកចាត់ការក្រុមកាំភ្លើងធំ Arsenal ប្រឈមខ្លាំងនឹងការដកតំណែងជាក់ជាមិនខាន។ ខណៈដែលរដូវកាលនេះលោកអស់ពានរង្វាន់ប្រជែងទៅហើយ។
មួយវិញទៀត នៅក្របខណ្ឌ English Premier League វិញ Arsenal ក៏នៅឆ្ងាយពីតំបន់ Top4 ឬ Top5 ទៅទៀត។ ក្រុម Arsenal នៅលេខ៩ក្នុងតារាង ឆ្លងកាត់៣៤ប្រកួតកន្លងមកមាន៤៩ពិន្ទុ។ ស្របពេលក្រុមលេខ៥ West Ham វិញនោះ មាន៥៨ពិន្ទុទៅហើយ។
គម្លាតគ្នានេះ សឹងតែអាចបញ្ជាក់បានច្បាស់ហើយថា Arsenal គ្មានឱកាសលេងពានអឺរ៉ុបទេ។ ប្រសិនបើមិនបានមែន នោះវាជាលើកដំបូងក្នុងរយៈពេល២៥ឆ្នាំចុងក្រោយមកនេះ៕
