ប្រធានក្រុមការងាររៀបចំអូឡាំពិកតូក្យូ ថាព្រឹត្តិការណ៍នេះអាចនឹងរំសាយនៅនាទីចុងក្រោយ
- Details
- Category: Sport News
លោក Toshiro Muto ប្រធានគណៈកម្មការរៀបចំព្រឹត្តិការណ៍អូឡាំពិកនៅរាជធានីតូក្យូឆ្នាំ២០២១ បាននិយាយក្នុងសន្និសីទកាសែតនៅក្នុងថ្ងៃនេះថា ព្រឹត្តិការណ៍នេះនៅតែអាចរំសាយនៅនាទីចុងក្រោយអញ្ចឹង ខណៈថ្ងៃសុក្រសប្ដាហ៍នេះជាថ្ងៃប្រារព្ធពិធីបើកកីឡានេះហើយ។
គិតត្រឹមពេលនេះ គេរកឃើញមាន ៦៨ករណីវិជ្ជមានកូវីដ-១៩ ដែលពាក់ព័ន្ធនឹងកីឡាករ ឬ ប្រតិភូចូលរួមក្នុងព្រឹត្តិការណ៍អូឡាំពិក។
លោក Muto បានលើកឡើងថា៖ "យើងមិនអាចព្យាករណ៍ទុកមុនថា នឹងមារឿងអ្វីកើតឡើងនោះទេ ខណៈករណីជំងឺកូវីដ-១៩ចេះតែកើតឡើង ដូច្នេះយើងនៅតែបន្តពិភាក្សាថា ការផ្ទុះជំងឺកូវីដឡើងនេះ កើនឡើងដល់កម្រិតណា។ យើងនឹងសម្រេចតាមហ្នឹង ប្រសិនបើករណីវិជ្ជមានកើនឡើង ឬ ថយចុះ " ៕
