វិសាខា ប្រកាសចែកផ្លូវជាមួយខ្សែបម្រើប្រយុទ្ធ ZAZAI
- Details
- Category: Sport News
ក្លឹបបាល់ទាត់វិសាខានៅព្រឹកនេះ បានប្រកាសពីការចែកផ្លូវជាមួយខ្សែបម្រើប្រយុទ្ធជម្រើសជាតិអាហ្វហ្គានីស្ថាន Mustafa Zazai។
នៅលើផេកផ្លូវការបស់ខ្លួនវិសាខាបានសរសេរថា "ពួកយើងទាំងអស់គ្នា សូមអរគុណកីឡាករ Mustafa Zazai សម្រាប់ការខិតខំប្រឹងប្រែងជួយក្លិបរបស់យើងកន្លងមក ។
តាងនាមគ្រួសារបាល់ទាត់ វិសាខា សូមជូនពរ ZAZAI ជួបតែសំណាងល្អ និងទទួលបានជោគជ័យក្នុងអាជីពនាថ្ងៃអនាគត"។ក្លឹបមិនបានបញ្ជាក់ពីមូលហេតុនៃការចែកផ្លូវជាមួយ Zazai ទេ ប៉ុន្តែបើផ្អែកតាមអ្នកតាមដានបាល់ទាត់ ការចែកផ្លូវនេះទំនងជាពួកគេអស់កុងត្រាជាមួយគ្នា។
Zazai បានប្រឡូកអាជីពក្នុងលីគកំពូលកម្ពុជា កាលពីពាក់កណ្ដាលរដូវកាល២០១៩ ដោយបានចូលរួមក្លិបភ្នំពេញក្រោន ក្រោយចែកផ្លូវពីក្លឹបម៉ាឡេស៊ី Kelantan FA ហើយបន្ទាប់មកគេបានផ្លាស់ទៅវិសាខាក្នុងរដូវកាល២០២០៕
