FIFA នឹងស្នើសុំប្រទេសនីមួយៗដាក់ឈ្មោះកីឡដ្ឋានមួយ ដើម្បីឧទ្ទិសដល់វិញ្ញាណក្ខន្ធ Pele
- Details
- Category: Sport News
សហព័ន្ធនៃសមាគមបាល់ទាត់ពិភពលោក ដែលហៅកាត់ថា FIFA នឹងស្នើសុំប្រទេសនីមួយៗដាក់ឈ្មោះកីឡដ្ឋានមួយ ដើម្បីឧទ្ទិសដល់វិញ្ញាណក្ខន្ធវីរបុរសបាល់ទាត់ប្រេស៊ីលលោក Pele។ នេះបើតាមការលើកឡើងរបស់លោក Gianni Infantino ប្រធាន FIFA។
លោកថ្លែងប្រាប់អ្នកកាសែតអំឡុងពេលដែលលោកចូលរួមក្នុងពិធីបុណ្យសពរបស់ លោក Pele ដែលប្រព្រឹត្តិទៅកាលពីថ្ងៃច័ន្ទ នៅទីក្រុងសាន់តូស ប្រទេសប្រេស៊ីល។ «យើងនឹងស្នើសុំប្រទេសទាំងអស់ក្នុងការដាក់ឈ្មោះកីឡដ្ឋានណាមួយរបស់គេ ជាមួយនឹងឈ្មោះថា Pele»។
នេះបើតាមការលើកឡើងរបស់លោក Infantino។ ជាមួយគ្នានេះដែរ លោកប្រធាន FIFA បានហៅថា លោក Pele ដែលមានឈ្មោះពិតថា Edson Arantes do Nascimento ជា «កីឡាករគំរូ»។ លោក Pele បានទទួលមរណភាពកាលពីចុងខែធ្នូ ឆ្នាំ២០២២កន្លងទៅ។
លោកបានឈ្នះពាន World Cup ៣ដង នៅពេលដែលលោកលេងឱ្យក្រុមជម្រើសជាតិប្រេស៊ីល៕
