រូបង្វឹកចាំទីរបស់ Neuer ត្រូវបានក្លឹប Bayern បណ្ដេញចេញ
- Details
- Category: Sport News
លោក Toni Tapalovic គ្រូបង្វឹកចាំទី និងមិត្តជិតស្និទ្ធរបស់អ្នកចាំទីក្លឹប Bayern Munich កីឡាករ Manuel Neuer ត្រូវបានក្លឹបបណ្ដេញចេញពីការងារកាលពីថ្ងៃច័ន្ទកន្លងទៅ។បើតាមមូលហេតុផ្លូវការរបស់ក្លឹប បុរសដែលមានអាយុ ៤២ឆ្នាំរូបនេះមាន «របៀបរបបធ្វើការខុសពីក្លឹប»។
យ៉ាងណាមិញ បើយោងតាមការចុះផ្សាយរបស់សារព័ត៌មាន Bild គ្រូចាំទីដែលធ្វើការនៅ Bayern អស់ ១១ឆ្នាំរូបនេះ មានភាពមិនចុះសម្រុងជាមួយអ្នកចាត់ការរបស់ក្លឹបគឺលោក Julian Nagelsmman។
សារព័ត៌មានដដែលបានចុះផ្សាយថា លោក Tapalolvic បានទម្លាយខ្លឹមសារនៃប្រជុំសម្ងាត់រវាងបុគ្គលិកគ្រូបង្វឹកទៅកាន់កីឡាករចាស់ៗ។ ក្រោយពីរឿងហេតុនេះកើតឡើង Neuer ក៏បានបង្ហោះសារនៅបណ្ដាញសង្គមរបស់ខ្លួនសម្ដែងពីភាពសោកស្ដាយ និងភាពដឹងគុណចំពោះលោក Tapalovic៕
