ខ្លាំងណាស់! Haaland រកបាន៥គ្រាប់ម្នាក់ឯង សាងកំណត់ត្រានៅ UCL
- Details
- Category: Sport News
ការប្រកួតជើងទីពីរនៃពានរង្វាន់ Champions League ខ្សែប្រយុទ្ធ Erling Haaland ធ្វើបាន៥គ្រាប់ម្នាក់ឯងជួយ Manchester City យកឈ្នះ RB Leipzig ៧-០ បានឡើងទៅកាន់វគ្គ៨ក្រុមចុងក្រោយ។
Haaland ពេលនេះបានក្លាយជាកីឡាករលឿននិងក្មេងជាងគេរកបាន៣០គ្រាប់នៅ UCL បំបែកកំណត់ត្រារបស់ខ្សែប្រយុទ្ធ Kylian Mbappe។ គេក៏បានក្លាយជាកីឡាករក្មេងជាងគេដែលអាចរកបាន៥គ្រាប់ក្នុងមួយប្រកួតនៅ UCL ចូលរួមជាមួយ Lionel Messi និងខ្សែប្រយុទ្ធប្រេស៊ីល Luiz Adriano ដែលធ្លាប់ធ្វើបានគ្រាប់បាល់ដូចគ្នា។
Haaland វ័យ២២ឆ្នាំ ពេលនេះរកបាន៣៩គ្រាប់ក្នុងរដូវកាលនេះគិតគ្រប់កម្មវិធីប្រកួត ក្លាយជាកីឡាករ City ដំបូងដែលឈានដល់តួលេខនេះក្នុងរដូវកាលតែមួយ។ កាលពីជើងទីមួយក្នុងទឹកដីប្រទេសអាល្លឺម៉ង់ City បានប្រកួតស្មើគ្នា ១-១ ជាមួយ RB Leipzig។ ដូច្នេះសរុបទាំងពីរជើង City យកឈ្នះ ៨-១៕
