ទីតាំងចំនួន ៣ សាលារាជធានីភ្នំពេញ ប្រកាស Live កម្មវិធីអាស៊ានប៉ារ៉ាហ្គេមជូនបងប្អូនបានទស្សនា
- Details
- Category: Sport News
ព្រឹត្តិការណ៍អាស៊ានប៉ារ៉ាហ្គេម ដែលកម្ពុជាធ្វើជាម្ចាស់ផ្ទះ នឹងធ្វើពិធីបើកផ្លូវការនៅថ្ងៃទី ៣មិថុនា នេះ ដោយក្នុងនោះ សាលារាជធានីភ្នំពេញ បានជ្រើសរើសយកទីតាំងចំនួន៣ដើម្បីដាក់ទូរទស្សន៍ LED ផ្សាយផ្ទាល់ជូនប្រិយមិត្តបានទស្សនាពិធីបើកព្រឹត្តិការណ៍ដ៏អស្ចារ្យនេះ។ទីតាំងសំខាន់ៗចំនួន ៣ ដែលជាគោលដៅរបស់រដ្ឋបាលរាជធានីភ្នំពេញនេះមាន៖
១.សួនច្បារមុខវត្តបទុមវត្តី ស្ថិតក្នុងសង្កាត់ចតុមុខ ខណ្ឌដូនពេញ
២.សួនច្បារព្រះនាង ប្រាជ្ញាបារមី ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ
៣.ទីលានប្រជាធិបតេយ្យ ក្បែរស្ពានអាកាសឬស្សីកែវ ស្ថិតក្នុងសង្កាត់ឬស្សីកែវ ខណ្ឌឬស្សីកែវ។
តាមការជូនដំណឹងនេះ រដ្ឋបាលរាជធានីភ្នំពេញសង្ឃឹមថា បងប្អូនប្រជាពលរដ្ឋទាំងអស់ក្នុងរាជធានីភ្នំពេញ នឹងចូលគាំទ្រទស្សនាការផ្សាយបន្តផ្ទាល់នេះឲ្យបានច្រើនកុះករ និងអធិកអធម៕
ដកស្រង់ពី៖ Sabay