Mahrez ពិចារណាចង់ចេញពី Man City ទៅលេងនៅអារ៉ាប៊ីសាអ៊ូឌីត
- Details
- Category: Sport News
ខ្សែប្រយុទ្ធអាល់ហ្សេរីកីឡាករ Riyad Mahrez ពិចារណាចង់ចេញពីក្លឹប Manchester City ដើម្បីទៅលេងនៅក្លឹបក្នុងប្រទេសអារ៉ាប៊ីសាអ៊ូឌីត។ នេះបើតាមការចុះផ្សាយរបស់សារព័ត៌មាន Goal។
ប្រភពខាងលើបានចុះផ្សាយថា កីឡាកររូបនេះអាចនឹងទៅលេងនៅក្លឹប Al-Ahli ជាមួយនឹងប្រាក់ឈ្នួលប្រមាណ ២៧លានដុល្លារអាមេរិកក្នុងមួយឆ្នាំ។
យ៉ាងណាមិញ ការផ្ទេរចេញនេះអាចធ្វើទៅរួចបាន លុះត្រាតែខាង Manchester City ព្រមឱ្យកីឡាកររូបនេះចាកចេញ ដោយហេតុថា កុងត្រារបស់កីឡាកររូបនេះនៅដល់ឆ្នាំ២០២៥។
សូមជម្រាបផងដែរថា Mahrez បានមករួមរស់ជាមួយ Man City តាំងពីឆ្នាំ២០១៨ ដោយចាប់ពីពេលនោះមក កីឡាកររូបនេះលេងបាន ២៣៦ប្រកួត ហើយរកបាន ៧៨គ្រាប់៕
