ប្រធានាធិបតីប្រេស៊ីលចោទសួរពីសមត្ថភាពរបស់ Ancelotti ក្នុងការដឹកនាំជម្រើសជាតិរបស់ខ្លួន
- Details
- Category: Sport News
លោក Lula de Silva ប្រធានាធិបតីប្រេស៊ីលកាលពីថ្ងៃព្រហស្បតិ៍កន្លងទៅបានបង្ហាញក្ដីមិនពេញចិត្តនឹងការតែងតាំងគ្រូបង្គោលក្លឹប Real Madrid លោក Carlo Ancelotti ធ្វើជាគ្រូជម្រើសជាតិប្រេស៊ីល។
លោក Ancelotti ត្រូវបានតែងតាំងជាគ្រូក្រុមបាល់ទាត់ជម្រើសជាតិប្រទេសអាមេរិកឡាទីនមួយនេះចាប់ពីឆ្នាំ២០២៤តទៅ។ ថ្លែងប្រាប់ទូរទស្សន៍ប្រេស៊ីល SBT លោក Lula មានប្រសាសន៍ថា៖ «គាត់មិនដែលធ្វើគ្រូអ៊ីតាលីផង។ ម៉េចក៏គាត់មិនទៅដោះស្រាយបញ្ហាជម្រើសអ៊ីតាលី? អ៊ីតាលីឆ្នាំមុនអត់ទាំងបានលេង World Cup ផងហ្នឹង»។
លោកបានបន្ថែមថា៖ «វាជារឿងងាយស្រួលណាស់ក្នុងការដឹកនាំក្លឹបនៅអឺរ៉ុបជាមួយកីឡាករអន្តរជាតិទាំង ១១នាក់»។ លោកប្រធានាធិបតីប្រេស៊ីលបានបន្តថា ដឹកនាំក្លឹបបាល់ទាត់នៅប្រេស៊ីលពិតជាពិបាកជាងនៅអឺរ៉ុប។
លោកបានបន្តទៀតថា បញ្ហាជាមួយជម្រើសជាតិប្រេស៊ីលពេលនេះមិនមែនរកគ្រូល្អមិនបាននោះទេ តែមកពីសមត្ថភាពកីឡាករនាពេលបច្ចុប្បន្ននេះមិនដល់កម្រិតកាលពីមុន៕
