Messiថា បើអាហ្សង់ទីនមិនឈ្នះ World Cup ឆ្នាំមុន ច្បាស់ណាស់គេមិនបន្តនៅក្រុមជម្រើសជាតិទៀតទេ
- Details
- Category: Sport News
ខ្សែប្រយុទ្ធ Lionel Messi បាននិយាយកាលពីពេលថ្មីៗនេះថា បើក្រុមជម្រើសជាតិអាហ្សង់ទីនមិនឈ្នះពាន World Cup ឆ្នាំ២០២២កន្លងទៅនេះទេ ច្បាស់ណាស់គេនឹងមិនបន្តលេងនៅក្រុមជម្រើសជាតិទៀតនោះទេ។
Messi បាននិយាយថា៖" ខ្ញុំពិតជាសប្បាយចិត្តមែនទែនពេលដែលឈ្នះ World Cup ហ្នឹង ព្រោះខ្ញុំមិនទទួលបានអារម្មណ៍មួយហ្នឹងកន្លងមកទេ។
នៅពេលហ្នឹងវាអាចជាការប្រកួត World Cup លើកចុងក្រោយរបស់ខ្ញុំ អញ្ចឹងហើយច្បាស់ណាស់ បើមិនឈ្នះពេលហ្នឹងទេ ខ្ញុំនឹងមិនបន្តនៅក្រុមជម្រើសជាតិទៀតទេ "។ កីឡាករនេះបន្តថា៖" ឥឡូវយើងឈ្នះពាននេះ អញ្ចឹងហើយខ្ញុំមិនអាចចាកចេញពីក្រុមជម្រើសជាតិហ្នឹងទេ។ ខ្ញុំពេញចិត្តនឹងនៅបន្តទៀត។ កាលហ្នឹងខ្ញុំសប្បាយចិត្ត និងមានភាពជឿជាក់ដូចអ្វីដែលក្រុមមានឲ្យមកខ្ញុំអញ្ចឹង "។
នៅខណៈនេះ Messi កំពុងលេងនៅក្លឹប Inter Maimi ហើយក៏បន្តនៅលេងឲ្យក្រុមជម្រើសជាតិអាហ្សង់ទីនផងដែរ៕
