Hun Sen Cup រសៀលនេះក្រុមកំពង់ធំ ទទួលក្រុមខ្លាំងសៀមរាប
- Details
- Category: Sport News
ការប្រកួតដំណាក់កាលទី១ នៃពានរង្វាន់ Hun Sen Cup 2017 រសៀលនេះក្រុម ដែលស្ថិតនៅពូល C ខេត្តកំពង់ធំ ទទួលក្រុមខ្លាំង សៀមរាបអង្គរ នាវេលាម៉ោង៣:០០នាទី រសៀលនៅទីលាន ខេត្តកំពង់ធំ។
ក្នុងពូល C នេះក្រៅពីក្រុមខ្លាំង ទាំងពីរខាងលើ ប៉ះគ្នានៅមាន ក្រុមខេត្តព្រះវិហារ ទទួលខេត្ត ឧត្ដរមានជ័យ វេលាម៉ោង ៣:០០នាទីរសៀលដូចគ្នា។ ជាមួយគ្នានោះ ក្រុមស្ថិតនៅពូល B ខេត្តកណ្ដាល ជួបក្រុមខេត្តត្បូងឃ្មុំ វេលាម៉ោង៣:០០នាទី នៅទីលានខេត្តកណ្ដាល និងមួយគូទៀត ក្រុមស្ថិតនៅពូល D គឺជាការប៉ះគ្នារវាង កំពង់ឆ្នាំង ជួបបាត់ដំបង នៅម៉ោង៣:០០នាទីដូចគ្នា នៅទីលានកំពង់ឆ្នាំង។
ក្រុមស្ថិតនៅពូល C ឆ្លងកាត់ការប្រកួតចំនួន ២ដូចគ្នាគឺ ឧត្ដរមានជ័យមាន៦ ពិន្ទុសៀមរាបមាន ៣ ពិន្ទុកំពង់ធំមាន ៣ពិន្ទុ និងព្រះវិហារ០ពិន្ទុ។ ចំណែកក្រុម ខេត្តកណ្ដាល និងត្បូងឃ្មុំឆ្លងកាត់១ប្រកួតដូចគ្នា និងមាន០ពិន្ទុដូចគ្នា ព្រោះពួកគេចាញ់ ខេត្តព្រៃវែងដូចគ្នា។ ងាកទៅក្រុមក្នុងពូល D បាត់ដំបងមាន ៣ពិន្ទុដោយយកឈ្នះប៉ៃលិន២-១ នាប្រកួតទី១ និងកំពង់ឆ្នាំងមាន១ពិន្ទុដោយធ្វើបានត្រឹមស្មើក្រុមប៉ៃលិន០-០នាប្រកួតទី១ របស់ខ្លួន។
ដំណាក់កាលទី១ នេះបែងចែកជា៦ពូលគឺA មានខេត្តកំពង់ស្ពឺ និងខេត្តតាកែវ ពូល B មានខេត្តព្រៃវែង ខេត្តត្បូងឃ្មុំ និងកណ្ដាល។ រីឯពូល C មានខេត្តកំពង់ធំ ខេត្តឧត្តរមានជ័យ ខេត្តសៀមរាប និងខេត្តព្រះវិហារ ខណៈពូល D មានខេត្តប៉ៃលិន ខេត្តកំពង់ឆ្នាំង និងខេត្តបាត់ដំបង ពូល E មាន ១ក្រុម គឺខេត្តកំពត រួមទាំងពូល F មាន ២ក្រុមខេត្តស្ទឹងត្រែង និងខេត្តមណ្ឌលគិរី ៕
ដកស្រង់ពី៖ Sabay