Lukaku រកបានគ្រាប់ដំបូង ជួយ Man Utd ឈ្នះមិត្តភាពលើក្រុមនៅអាមេរិក
- Details
- Category: Sport News
បិសាចក្រហម Manchester United បានយកឈ្នះក្រុម Real Salt Lakeដែលស្ថិតនៅ Major League Soccer ដោយលទ្ធផល ២-១ មុននេះ ក្នុងការប្រកួតលក្ខណៈមិត្តភាពដំណើរទេសចរណ៍នៅអាមេរិក។
ក្នុងការប្រកួតនេះ ខ្សែប្រយុទ្ធចំណូលថ្មីរបស់ Man Utd ដែលមានតម្លៃខ្លួន៧៥លានផោនកីឡាករ Romelu Lukaku អាចរកគ្រាប់ដំបូងជូនក្លឹប បន្ទាប់ពីខកខានឱកាសកាលពីប្រកួតមុនទល់នឹង LA Galaxy កាលប៉ុន្មានថ្ងៃមុន។
Mkhitaryan ក៏ជាអ្នករួមចំណែករកគ្រាប់បាល់ជូនក្រុមលោក Jose Mourinho ខណៈ Luis Silva ជាអ្នករកគ្រាប់បាល់តែ១គ្រាប់គត់ឲ្យ Real Salt Lake។ ប្រកួតបន្ទាប់ Manchester United នឹងជួបក្រុមជួបក្នុងលីគជាមួយគ្នា Manchester City ក្នុងពានមិត្តភាព 2017 International Champions Cup នៅថ្ងៃទី ២០ ខែ កក្កដា ឆ្នាំ ២០១៧ រៀបចំនៅអាមេរិក៕
ដកស្រង់ពី៖ Sabay