អ៊ីតាលីអត់បានឡើងលេង World Cup ធ្វើឲ្យខាតលុយជាតិរាប់រយលានដុល្លារ
- Details
- Category: Sport News
អតីតប្រធាន គណៈកម្មការជាតិអូឡាំពិករបស់អ៊ីតាលី លោក Franco Carraro បានបង្ហើបឲ្យដឹងថា ពេលដែលអ៊ីតាលីខកខានមិនបានលេង World Cup ឆ្នាំក្រោយ វាធ្វើឲ្យប្រទេសអឺរ៉ុបមួយនេះខាតបង់ចំណូលជាតិរហូតដល់ទៅរាប់រយលានដុល្លារ។
លោក Carraro បានប្រាប់ថ្លែងទៅកាន់អ្នកសារព័ត៌មានថា៖ "អ៊ីតាលីនឹងខាតបង់ប្រាក់ជាង ៥០០ ទៅ ៦០០លានដុល្លារ ហើយតួលេខហ្នឹងជាទឹកប្រាក់ខាតបង់ដោយផ្ទាល់ផង បើនិយាយពីការខាតមិនផ្ទាល់វិញ ទិន្នន័យនេះអាចឡើងរហូតដល់លើស ១ប៊ីលាន (ពាន់លាន)ដុល្លារ។ ច្បាស់ណាស់ ការខាតបង់នេះអាចលើស ១ប៊ីលានដុល្លារ"។
បាល់ទាត់ ជាវិស័យមួយយ៉ាងសំខាន់នៅអឺរ៉ុប ដោយវិស័យមួយនេះបានជួយរកចំណូលបានយ៉ាងច្រើនឲ្យបណ្ដាប្រទេសជាច្រើនក្នុងទ្វីបមួយនេះ។ អ៊ីតាលីបានខកខានមិនបានឡើងលេង World Cup ជាលើកដំបូងក្នុងរយៈពេលជិត ៦០ឆ្នាំ បន្ទាប់ពីស្មើជាមួយ ស៊ុយអែតក្នុងជើង ទី ២ កាលពីយប់មិញ ក្រោយពីចាញ់ ១-០ក្នុងជើងទី១ កាលពីថ្ងៃទី១១ កន្លងទៅ៕
ដកស្រង់ពី៖ Sabay