Wenger សង្ឃឹម​អ្នក​គាំទ្រ​​ចូល​មើល​ពេញ​​ Emirates វិញ ពេល​ប៉ះ CSKA Moscow យប់នេះ

Details

Category: Sport News

Arsene Wenger ជឿជាក់ថា អ្នកគាំទ្រ Arsenal នឹងត្រលប់ចូលទស្សនាការប្រកួត រវាងកាំភ្លើងធំ ជាមួយ CSKA Moscow ក្នុងវគ្គ៨ក្រុមចុងក្រោយ Europa League យប់នេះម៉ោង២:០៥នាទី ក្នុងកីឡដ្ឋាន Emirate។

ការប្រកួតនៅ Premier League របស់ Arsenal ទល់នឹង Manchester City, Watford និង Stoke City កន្លងទៅឃើញថា កីឡដ្ឋាន Emirate នៅសល់កៅអីទស្សនាជាច្រើនខុសប្លែកពីធម្មតា។ វាបានបង្ហាញថា អ្នកគាំទ្រកំពុងមិនសប្បាយចិត្តលោក Wenger ដែលមិនបានដឹកនាំក្លឹបឈរនៅចំណាត់ថ្នាក់កំពូលតារាងទាំង៤ ក្នុងលីគ។

សម្រាប់ការប្រកួតនៅរាត្រីនេះខាង CSKA Moscow អាចនឹងនាំអ្នកគាំទ្រមកប្រមាណ៥០០នាក់ទេ ព្រោះពេលនេះប្រទេសរុស្សីនិងអង់គ្លេសកំពុងមានបញ្ហានឹងគ្នា។ Wenger ក៏សង្ឃឹមដែរថា ភាពតានតឹងផ្នែកនយោបាយកាន់តែខ្លាំងឡើងរវាងប្រទេសអង់គ្លេសនិងរុស្ស៊ីនឹងមិនប៉ះពាល់ដល់អ្នកគាំទ្រក្លឹបទាំងពីរទេ។

ដកស្រង់ពី៖ Sabay