Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

បំផ្ទុះគ្រាប់បែកអត្តឃាត ស្លាប់ ១៣នាក់ នៅអាហ្វហ្គានីស្ថាន

  • បោះពុម្ព

កាបុល៖ ទីភ្នាក់ងារព័ត៌មានចិន ស៊ិនហួ ចេញផ្សាយ ថ្ងៃទី០៧ ខែកក្កដា ឆ្នាំ២០១៤ បានឲ្យដឹងថា អំពើហិង្សា បំផ្ទុះគ្រាប់បែកអត្តឃាត និងការវាយប្រហារ ដោយអាវុធ បណ្តាលឲ្យមនុស្ស ១៣នាក់ស្លាប់ ក្នុងនោះ រួមមានទាំងជនស៊ីវិល និងក្រុមសកម្មជនផងដែរ។ នេះបើយោងតាមការ លើកឡើង របស់មន្ត្រីក្នុងស្រុកម្នាក់។

តាមប្រភពព័ត៌មាន ពីមន្ត្រីប៉ូលីស បានលើកឡើងថា ហេតុការណ៍ នៃអំពើហិង្សារួមគ្នានេះ បានកើតមានឡើងក្នុង ស្រុក Shahr-e-Safa ក្នុងខេត្ត Zabul ភាគខាងត្បូងប្រទេស អាហ្វហ្គានីស្ថាន ដែលក្នុងនោះ ក៏មានអ្នកស្លាប់ ដោយសារការបំផ្ទុះ គ្រាប់បែកចំនួន បីនាក់ផងដែរ។ មេបញ្ជាការប៉ូលីស ថ្នាក់ខេត្ត លោក Ghulam Sakhi Rogh Liwanai ប្រាប់សារព័ត៌មានចិន ស៊ិនហួ ថា ក្រុមភេរវករ បានបើករថយន្ត សម្រាប់បំផ្ទុះគ្រាប់បែក មួយគ្រឿង ក្នុងគោលដៅ វាយប្រហារទីបញ្ជាការ នៃស្រុក Shahr-e-Safa។ ប៉ុន្តែវាបានផ្ទុះឡើង នៅវេលាម៉ោងប្រមាណ ជា១១ និង៣០នាទីព្រឹក (ម៉ោងក្នុងតំបន់) មុនពេល ដែលរថយន្តនេះ ទៅដល់តំបន់គោលដៅ។

សូមបញ្ជាក់ថា នារសៀលថ្ងៃចន្ទនេះ ក្រុមសកម្មជន ក៏បានបើក ការវាយប្រហារ ដោយគ្រាប់បែកអត្តឃាត នៅក្នុងរថយន្ត របស់ពួកយោធា ក្នុងទីក្រុងHerat ផងដែរ ដែលបានបណ្តាលឲ្យ កម្លាំងយោធាយ៉ាងហោចណាស់ បីនាក់ស្លាប់។ នេះបើយោងតាម ប្រភពព័ត៌មាន ពីលោកមេបញ្ជាការ ថ្នាក់ខេត្ត លោក Samaiullha ប្រាប់សារព័ត៌មានស៊ិនហួ៕

 ដកស្រង់ពី៖ ដើមអម្ពិល