ស្លាប់៣នាក់ និងបាត់ខ្លួន២៣នាក់ បង្កដោយជំនន់ទឹកភ្លៀង នាប្រទេសចិនភាគខាងកើត

សេចក្ដីលម្អិត

ជំពូក៖ ព័ត៌មានអន្តរជាតិ

អ្នកឡើងភ្នំចំនួន៣នាក់ បានស្លាប់បាត់បង់ជីវិត ហើយ២៣នាក់ផ្សេងទៀតនៅតែបន្តបាត់ខ្លួន បន្ទាប់ពីទឹកជំនន់ ដែលបង្កដោយព្យុះទឹកភ្លៀងធ្ងន់ធ្ងរ វាយប្រហារខេត្ត Jiangxi របស់ប្រទេសចិនភាគខាងកើត

នេះបើតាមអជ្ញាធរក្នុងស្រុក ប្រាប់កាលពីព្រឹកថ្ងៃចន្ទ។ទឹកភ្លៀងបង្អុរចុះ បានចាប់ផ្តើមនាម៉ោងប្រមាណ៣រសៀល កាលពីថ្ងៃអាទិត្យ ក្នុងតំបន់ភ្នំ ក្រុង Gaohu Yichun ក្នុងទីក្រុង ហើយបានជាប់គាំងអ្នកឡើងភ្នំចំនួន ២៨៥នាក់ដែលមកពីក្រុមទេសចរចំនួន៣ នេះបើយោងតាមការិយាល័យគ្រប់គ្រងគ្រោះបន្ទាន់របស់ខេត្ត Jiangxi ។
ក្នុងក្រុមមួយដែលមានអ្នកទេសចរចំនួន២៥២នាក់ មានអ្នកឡើងភ្នំ៣នាក់ បានស្លាប់ ហើយ៤នាក់ផ្សេងទៀត នៅតែបន្តបាត់ខ្លួន។ ហើយក្រុមមួយផ្សេងទៀត ដែលមានអ្នកទេសចរ១៩នាក់ នៅតែគ្មានទំនាក់ទំនង។
អជ្ញាធរក្នុងតំបន់ បានបញ្ជូនក្រុមអ្នកសង្រ្គោះច្រើនជាង ៥៣០នាក់ ទៅកាន់កន្លែងដែលប៉ះពាល់នោះ នេះបើតាមការផ្សាយរបស់ស៊ិនហួរ កាលពីថ្ងៃចន្ទ។

ដកស្រង់ចេញពីXinhua News

ប្រែសម្រួលដល់លោកស្រី គឹម ម៉ូលីដា